|
Sing Mannanan beg Mac Leirr.
|
|
|
1. Dy n’eastagh shiu agh rish my Skeayll,
|
|
|
As dy by ving lhieu ayns my Chaint;
|
|
|
Myr share dy voddyms lesh my Veeall,
|
|
|
Yinnin diu Geail jeh’n Nellan sheeant.
|
|
|
2. Quoi yn ched er eck row reaue Ee.
|
|
|
Ny kys eishtagh myr hagher da;
|
|
|
Ny kys hug Parrick ayn Chreestee,
|
|
|
Ny kys myr haink Ee gys Stanlaa.
|
|
|
3. Mannanan Beg va Mac y Leirr,
|
|
|
Shen y ched Err eck ’row reaue Ee.
|
|
|
Agh myr share oddyms Cur-my-ner,
|
|
|
Cha row eh hene agh Ann Chreestee.
|
|
|
4. Cha nee lesh e Chliwe ren Eh ee reïll.
|
|
|
Cha nee lesh e Hideyn, ny lesh e Vhow;
|
|
|
Agh tra aiggagh eh Luingys troailt,
|
|
|
Ollagh eh ee mygeayrt lesh Keaue.
|
|
|
5. Yinnagh eh Dooinney ny hassoo er Broogh,
|
|
|
Er lhieu shen fene dy beagh ayn Kead
|
|
|
As shen myr dreayl Mannanan Keoiee,
|
|
|
Yn Nellan shohnone lesh Cosney booid
|
|
|
6. Yn Mayl deeck dagh unnane ass nyn Cheer
|
|
|
Va Baart dy Leoghyr glass dagh Bleïn
|
|
|
As eisht shen orroo deeck myr Keeish,
|
|
|
Trooid magh ny Cheerey dagh oie Loïne.
|
|
|
7. Part rogh lesh y Leoagher seose
|
|
|
Gys y Slieau mooar ta heose Barrool;
|
|
|
Part elley aggagh yn Leoagher wass,
|
|
|
Eck Mannanan erskyn cheamoil.
|
|
|
8. Myr shen eisht ren adsyn beaghey,
|
|
|
O er lhiam fene, dy by veg nyn Keeish,
|
|
|
Gyn Kiarrail as gyn Imnea.
|
|
|
Ny doghyr dy liggey er nyn Skees
|
|
|
9. Eisht haink ayn Parrick ny meoin
|
|
|
She Dooinney noo ve lane dy Artoo,
|
|
|
D’imman eh Mannanan er y Towin,
|
|
|
As e ghrogh vooinjyr ny Loaghartee.
|
|
|
10. Vannee eh yn Cheer veih Kione dy Kione,
|
|
|
As reau cha daag eh bio ayn jee,
|
|
|
Dy row jeh urjid lhiannoo beg,
|
|
|
Dy dod reaue dy ve ny Chreestee.
|
|
|
11. As jeusyn ooilley dy row olk,
|
|
|
Orroo cha ren eh veg y Ghrase
|
|
|
Dy row jeh Sluight ny Buck crout
|
|
|
Nagh ren eh stroie ru choyrt gy Baase.
|
|
|
12. Shen myr haink yn ched Chredjue Mannyng
|
|
|
Ec Parrick Noo er ny choyrt ayn
|
|
|
As Chreest dy niartagh aynin eh
|
|
|
As myrgeddin neesht ayns nyn Gloan.
|
|
|
13. Eisht vannee Parrick Karmane noo,
|
|
|
As daag eh eh ny Aspick ayn;
|
|
|
Dy niartagh yn Credjue ny smoo as ny smoo,
|
|
|
As Cabballyn ren eh ynrick ayn.
|
|
|
14. Ayns dagh treen Balley ren eh unnane,
|
|
|
Da’n Sleih shenayn dy cheet dy guee;
|
|
|
Myrgeddin hrog eh Keel Charmane,
|
|
|
Ta ayns y Pheely foast ny soie.
|
|
|
15. My dug Karmane er yn Obbyr Kione,
|
|
|
Hug Yee fys er as hooar eh Baase;
|
|
|
Myr shione diu hene yn Chaghter choyn,
|
|
|
Cha vel fer ain hed jeh lesh saase.
|
|
|
16. Hooar eh Baase as t’eh ny lie,
|
|
|
Red by vooar y treih ve cha leah er ninlagh
|
|
|
Crosh dy Chlagh ted e ghaa Chass,
|
|
|
Ayns y Cheel fene foast ayns y Pheeley,
|
|
|
17. Eisht haink Maghould ayn myr Beer
|
|
|
As ghow eh Thalloo eg y Chione;
|
|
|
As hrog eh Keel as Rollick mygeayrt,
|
|
|
Yn Ynnyd by veayn lesh beaghey ayn.
|
|
|
18. Ny Cabballyn doardee Karmane noo,
|
|
|
Da’n Sleih shenayn dy heet dy guee;
|
|
|
Hug Maghould shartance jeu ayns unnane,
|
|
|
As myr shen ren eh ny Skeeraghyn cooie
|
|
|
19. Hooar Maghould Baase as t’eh ny lie,
|
|
|
Ayns y Keel fene haar eg y kione;
|
|
|
As yn nah Aspick haink ny yeï,
|
|
|
Myr share shione dooys she eh va Lonnan.
|
|
|
20. Connaghyn y nah er reesht haink ayn,
|
|
|
As haink Myhrooney reesht yn tress;
|
|
|
T’ad shen nyn droor ayns Keel:myhrooney,
|
|
|
As ayns shen vees ad dy brâ vaght.
|
|
|
21. Nish lig mayd shaghey ny Deiney noo
|
|
|
As chimmyr mayd nyn Anmeenyn gys Jee
|
|
|
Cha vieu fir agglish voylley ny smoo;
|
|
|
Derrey hig ad fenish Ree dagh Ree.
|
|
|
22. Myr shen eisht ren adsyn beaghey,
|
|
|
Gyn Dooinney ayn yinnagh orroo Corree;
|
|
|
Agh goll dy gheddin pardoon veih’n Raue,
|
|
|
Er derrey haink eh huck Ree Gorree.
|
|
|
23. Lesh y Luingys hrean as pooar e Ree,
|
|
|
As ghow eh Thalloo ec y Layne;
|
|
|
Shen y ched er eck’ row reaue Ee,
|
|
|
Dy ve ny Ree er yn Nellan.
|
|
|
24. Cha geayl mee dy ren eh skielley ayns Purt,
|
|
|
Chamoo ren eh marroo ayn=jee;
|
|
|
Agh aym ta fys dy daink jeh Liught,
|
|
|
Three Ree’ghyn jeig jeh Ree Gorree.
|
|
|
25. Eisht haink ayn quinney as haink ayn quaile,
|
|
|
Haink towse dy loie as reïl aynjee
|
|
|
Ny Keeishyn mooarey as y Mayl,
|
|
|
Vys dyn shirrey dy bragh er Dooinney dy bee.
|
|
|
26. My ta red erbee jannoo skielley diu hene
|
|
|
Cur=jee nyn Mollaght er ny Mannynee,
|
|
|
She ad by vessey da’n Ellan sheeant,
|
|
|
Ec dagh drogh Leih yannoo ayn=jee.
|
|
|
27. Eisht haink Olistiryn mooar m ’ Ree Albean,
|
|
|
Lesh Luingys hrean dy braue aynjee;
|
|
|
Agh er lhiam pene dy bee voo lesh foalsaght
|
|
|
Cha nee lesh Dunnalys smoo cragh eh ee.
|
|
|
28. Cha daag eh bio jeh Sliught y Ree,
|
|
|
Mac ny Inneen dymmyrk e Chione;
|
|
|
Agh un Inneen myr bare dod ee,
|
|
|
Hie dy hirrey Cooney gys Ree Goal.
|
|
|
29. O Albynee, my vow uss feeue,
|
|
|
As dy haghtyr ec dty heet ayn;
|
|
|
Kys nagh duirree oo as ve dty Ree,
|
|
|
Myr v’ou O Ree as Mc Ree Laughlin,
|
|
|
30. Agh s’beg y lhiam dy veg y laitt,
|
|
|
Ny fiee ve Rock Rock erskyn dty Ching
|
|
|
Agh lig dooin loayrt jeh’n Inneen gring
|
|
|
Neer as nagh daag oo bio agh ee.
|
|
|
Haink jeh Sluight Ree Laughlin,
|
|
|
As v’ee Inneen da Ree Gorree.
|
|
|
31. Cha leah as cragh eh Noid yn Cheer,
|
|
|
Nagh Jaagh eh roish as daag eh ee;
|
|
|
Myr yinnagh y sowin Coo rish e Quallan,
|
|
|
Aggail ny lie er beggan Bree.
|
|
|
32. Cha leah as cragh eh Noid yn Cheer,
|
|
|
Nagh jagh eh roish gys Nalbin noole,
|
|
|
As gow ish Luingys neesht myr Beer,
|
|
|
As hie rhymbee gys Ree Houghsyn.
|
|
|
33. Cha leah as rosht ee gys y Chooyrt,
|
|
|
Nagh jagh jee er soiagh dy feer coair,
|
|
|
As da ny Deiney haink maree;
|
|
|
Hug y Ree palchey d’Argid as d’Airh.
|
|
|
34. As dy dennee eh jee Quoi vi’ee,
|
|
|
Ny cre va ’healkyn gys e Choort;
|
|
|
Ta mish dooyrt ish Inneen da Ree,
|
|
|
Err reash my spooley as gyn Kiannoort.
|
|
|
35. Er jeet mysh dty Vyghin as mysh dty Ghrayse,
|
|
|
Ta mish neesht er jeet O Ree;
|
|
|
Cha nell gearree Miyn ny Maase,
|
|
|
Agh gearree aish mysh dty Chim Ree,
|
|
|
36. She=dty=vea dooyrt Ree Houghsyn,
|
|
|
As ren nyn poossey ad myr beaue
|
|
|
Sliught Ree Loughlin as Inneen Ree Gorree
|
|
|
O rish Sir William dy Mountegue.
|
|
|
37. Eisht Sir William va Ree Vannin
|
|
|
Cha ren eh Soiagh jee agh beggan feeue
|
|
|
Son creck eh ee as ghow eh Masse,
|
|
|
O Ree red bastagh dy ren reaue.
|
|
|
38. Rish y Chiarn Scrope creck eshyn ee
|
|
|
O Ree nagh merg hug saynt da Masse
|
|
|
Ga dy row eh ayns foar mooar rish y Ree
|
|
|
Gerrit ny yei ve er ny choyrt gy Baase.
|
|
|
39. Agh fys nyn Gooishyn cha vell aym
|
|
|
Quoi erbee sallish lig da fysseree;
|
|
|
Agh ayms ta fys nyn Gooishyn dy feer,
|
|
|
Dy row lane Masse sceolt ec y Ree.
|
|
|
40. Haink y Nellan reeshtagh gys y Ree,
|
|
|
Myr va’n Conaant jeant rish y Chiarn Scrope dy jarroo,
|
|
|
Son cha dug eh veg sodjey da ee,
|
|
|
Ny veagh eh hene booiagh er y Thalloo.
|
|
|
41. Haink y Nellan neesht gys Laueyn y Ree,
|
|
|
As mooar Bree cha row echey ayn;
|
|
|
Hug eh da’n Earl Northumberland ee,
|
|
|
My=ta cha dug da annane jeh ’ Cloan.
|
|
|
42. Adsyn veagh dunnal ayns Maghyr-caggee
|
|
|
Yiogh ad Giutyn mooarey myr balliu
|
|
|
Agh ayns Caggey mooar Alsperee,
|
|
|
Va’n Earl Northumberland er ny varroo.
|
|
|
43. Quoi haghyr eishtagh gys y Vaghyr,
|
|
|
Agh Sir Jowan Stanley cosney Booid;
|
|
|
Myr by vannee haink er hene y Laa,
|
|
|
Lesh y Chliwe gyere v’eh sheer goll trooid.
|
|
|
44. Yeah by veg er hene nyn Mea,
|
|
|
Yiarragh y Dooinney nagh beagh ayn Glare,
|
|
|
As varragh eh lesh y voolley sleï
|
|
|
Cabbyl as Dooinney gys y Laare.
|
|
|
45. Cre by oase veagh Claggin y King,
|
|
|
Gyn Ching cha rogh eh ass;
|
|
|
As cre by eïlit veagh e Greem,
|
|
|
Roshagh e Chliwe gyere gys y Cress.
|
|
|
46. Tra scuir eh maghyr as ghow eh fea,
|
|
|
Eisht boggey mooar ghow yn Ree ayn hene
|
|
|
As deïe eh magh huggey Sir Jowan Stanley,
|
|
|
Dy ghoail y heagher jeh Maase ny jeh Nee
|
|
|
47. Er yn oyr dy vel uss er my rears
|
|
|
Nish cosney Booid doose as dhyt hene;
|
|
|
Gow uss voyms son leagh dty heaghyr,
|
|
|
Ellan mannin son dy brâ beayn.
|
|
|
48. Shen myr haink yn Ellan gys nyn Laue,
|
|
|
As shen myr haink yn ched Stanley ayn
|
|
|
As Ree lurg Ree dyn shaghney veih Gaue
|
|
|
As mooarane Blein nyn Chiarnyn ayn.
|
|
|
49. Eisht tra hooar Sir Jowan Stanley baase
|
|
|
Haink Sir Jowan reeshtagh e Vac;
|
|
|
Va ry mooarane Blein heear ayns Neerin,
|
|
|
Ny Lieftenant feer ooasle oc.
|
|
|
50. Eisht haink Thamase Derby ruggyr Ree,
|
|
|
She eh hene va cheau yn Cribble oar
|
|
|
Cha row’n Chiarn ayns Soghsyn sthie,
|
|
|
Ec’ va whilleen gyman dy heet ny coar.
|
|
|
51. Er ny Albanee whilleen eh Clea,
|
|
|
As hie eh nool gys Balla=Keel=Cooberagh,
|
|
|
As ren eh leid y Claddagh er thieyn,
|
|
|
Dy vel paart jeu foast ayn gyn Mollagh
|
|
|
52. Nagh baagh shen daasyn dy Ghooinney aeg.
|
|
|
Y Clea chooilleen myr by vooar y Graine,
|
|
|
Roish my daink reaue er e Gob fassage,
|
|
|
As y Geoanney curitt lesh ass dy slane.
|
|
|
53. Ayns yn thousane Queig cheead as shiaght,
|
|
|
Ayns Mee ny boaldynney dy kiart;
|
|
|
Ghow eh Thalloo Mannin ayns Runysway,
|
|
|
Tra va’n Thoah bun=ry=skyn hug eh gys f{ea.}
|
|
|
54. Leid y thie as dreayl eshyn eh hene,
|
|
|
Dy Ree ny dy ruggyr dy hreg ny hrene
|
|
|
Cha vaik shinnyn rish milley Vlein,
|
|
|
Chamoo hee reesht yn earish ain.
|
|
|
55. Agh arragh voylley cha jeanyms ny smoo
|
|
|
Choud as soiagh dooinney fenish my ghaa hooyl,
|
|
|
Er aggle dy daghyr daue rym y ghra,
|
|
|
Dy nee son leagh v’in sheer vrinoole,
|
|
|
56. Agh faigyms da’n nah Ghooinney hig my yeih,
|
|
|
Y Voylley hene myr sheiu chur da,
|
|
|
Tra vees y Cress ny lie ’syn oaie,
|
|
|
Yiow’n Dooinney Booid myr share hoill eh.
|
|