|
Arrane
|
A Song
|
|
Yn fastyr aalin shoh ta gerjagh mee
|
This beautiful afternoon that comforts me,
|
|
Tra ta’n gheay wooar goaill shee
|
When the the great wind eases.
|
|
As ushagyn ta jannoo kiaull
|
And birds are making music,
|
|
Tra ta’d çheet reesht er gys nyn oayll
|
When they come back to their habitat.
|
|
Ta’n ghrian ersooyl sheese ayns yn sheer
|
The sun is away down in the west,
|
|
Fo bodjalyn dy chullyr keear
|
Under dark coloured clouds.
|
|
Ta’n druigh nish shilley voish yn aer
|
The dew is now precipitating from the sky,
|
|
As ooraghey yn joan as faiyr
|
And freshening the dust and grass.
|
|
Ta’n lossey ghreiney nish ersooyl
|
The flame of the sun is now gone,
|
|
As te feer taitnysagh dy hooyl
|
And it is very pleasing to walk,
|
|
Dy akin yindysyn yn Çhiarn
|
To see see the wonders of the Lord
|
|
Ren ad y chummey ayns dagh ayrn
|
That made them in every part.
|
|
Hiarn ta mee yeearree dy chur booise
|
Lord, I want to give thanks,
|
|
Er son ny bannaghtyn ta wheesh.
|
For the blessings that are so much.
|
|
Ta’n imbagh aalin gerjagh mee
|
The beautiful season comforts me,
|
|
As jannoo boggey da my chree
|
And makes my heart rejoice.
|
|
Booise dy row Hood er son dy bragh
|
Thanks be to You for ever,
|
|
Yn Jee shen ta fegooish caghlaa
|
That unchanging God,
|
|
As va cha graighagh orrin hene
|
And who was so loving to us,
|
|
Tra va shin ayns nyn beccaghyn
|
When we were in our sins.
|
|
O, cur dou cree ta kuine as meen
|
O, give me a heart that is calm and gentle,
|
|
Sheel, myr ta yn cree Ayd Hene,
|
Sober, as Your Own heart is.
|
|
As myr yn immyr aalin feagh,
|
And like the beautiful allotment at rest,
|
|
Ny lhig dou ve ny smoo anveagh.
|
Don’t let me be troublesome anymore.
|
|
My Hiarn cur grayse dou dy hreishteil
|
Give me grace my Lord to trust,
|
|
Son ta my chree as niart faileil
|
For my heart and might is failing.
|
|
O, Jean Uss reill mee er çheusthie
|
O, Rule me inside,
|
|
Gys ver Oo lesh my annym thie.
|
Until You bring my soul home.
|
|
Yn daa laa yeig jeh mee veanagh yn Tourey, ayns yn vlein hoght cheead jeig kaire feed as nuy jeig.
|
The twelfth of June, in the year eight hundred and ninety-nine.
|
|
Farquhar
|
Farquhar.
|