|
Arrane: Ta’n Imbagh Arree Nish ec Kione.
|
Song: The Season of Spring Now Ended.
|
|
Ta’n imbagh arree nish ec kione
|
The season of Spring is now at an end
|
|
As yn ghrian heose slane ayns bree
|
And the sun above full in power
|
|
Son nish ta mee ny boaldyn ayn
|
For now is the month of May
|
|
As yn gheay wooar ee hene ec shee
|
And the great wind itself at peace
|
|
Ny sumarkyn ta nish ayns blaa
|
The primroses that are now in bloom
|
|
Ny lussyn ta mie as glass
|
The herbs that are good and green
|
|
Ny biljyn ooyl myrgeddin ta
|
The apple trees are also
|
|
Blaaghey ga nagh vel monney çhiass
|
Blooming although there isn’t much heat
|
|
Ny-yeih ta’n imbagh aalin shoh
|
Nevertheless, this beautiful season
|
|
Cur er yn faiyr gaase ayns dagh easan
|
Makes the grass grow in every little waterfall
|
|
Ny biljyn juys ayns coamrey noa
|
The fir trees in new clothing
|
|
Agh biljyn unjin ta feer ghoan
|
But ash trees that are very scarce
|
|
Ta’n tourey aalin gerjagh dou
|
The beautiful Summer comforts me
|
|
Tra nagh vel feme aym soie dy çhiow
|
When I have no need to sit to heat (warm)
|
|
Agh er ny croink as sleityn shooyl
|
But walk the hills and mountains
|
|
Ta’n earish aalin taitnysagh
|
The weather is delightfully beautiful
|
|
Tra ta mee nish ayns my henn eash
|
When I am now in my old age
|
|
Ny-yeih jeh’n faarkey lhean goaill baght
|
Nevertheless, surveying the broad ocean
|
|
Tra ta mee shooyl er croink Chrenaish
|
When I am walking the hills of Cregneash
|
|
Ny-yeih ta’n traa dy oyragh gholl
|
Nevertheless, the time goes reasonabley
|
|
As ta my vea gaase giare dagh laa
|
And my life grows short each day
|
|
Dy lheah bee’m eiyrit veih my oayl
|
Soon I’ll be driven from my haunt
|
|
Gys boayl voish cha vel nane çhyndaa
|
To a place from whence no-one returns
|
|
O uss ta coyrt dagh bannaght sheese
|
O you, who sends each blessing down,
|
|
Dagh gioot as grayse ta çheet voyd Hene
|
Every gift and grace, that comes from you yourself.
|
|
Nish ayns dty ghraih as dty erreeish
|
Now in love and compassion,
|
|
Er coontey Chreest gow çhymmey jee’m
|
On account of Christ take pity on me,
|
|
Croo aynym cree glen O my Hiarn
|
Create within me a pure heart my Lord
|
|
As cur yn spyrryd noo çheu sthie
|
And put the holy spirit within me.
|
|
Gow mee dhyt hene chouds bee’m er mayrn
|
Take me to yourself for as long as I live
|
|
As eisht cur lesh my annym thie
|
And then bring my soul home
|
|
Dy ooashlagh mysh dty stoyl reeoil
|
To worship around your royal throne
|
|
As ve dy bragh mayrt hene ec shee
|
And be forever with you yourself at peace
|
|
Ayns eunys Niau dy ve gerjoil
|
In the rapture of Heaven to be happy
|
|
Raad nagh vod peccah reesht cur snieh.
|
Where sin cannot give vexation again.
|
|
May 17 1899 Farquhar
|
May 17 1899 Farquhar
|