Ta’n ghrain houree soilshean dy çheh
|
The summer sun is shining hot,
|
As conney freoaie çheet reesht ayns blaa
|
And heather comes back into flower
|
Ta’n gheay wooar hene er gholl gys shee
|
The great wind itself has pacified
|
Ta’n imbagh aalin gerjagh mee
|
The beautiful season comforts me
|
Ta tonnyn freeynagh yn vooir mooar
|
The raging waves of the great sea
|
Er duittym sheese nish, feagh dy liooar
|
Have fallen down now; calm enough,
|
Dagh cronk as coan ayns coamrey glass
|
Every hill and valley in green clothing
|
Lesh lussreeyn ta çheet er-ash
|
With plants that are coming into season
|
Ta’n imbagh fouyr er jeet dy jeean
|
The autumnal season has come suddenly
|
Ny magheryn geayney ta gaase creen
|
The vivid green fields that ripen
|
As labreeyn vees er ny laccal
|
And labourers will be required
|
Ny messyn sourey dy hauail
|
To save the summer fruit
|
Agh bee yn geurey fluigh as feayr
|
But the winter will be wet and cold
|
Çheet reesht ayns traa gerrid dy liooar;
|
Coming back soon enough;
|
Yn traa nagh voddym soie dy scrieu
|
The time when I cannot sit to write
|
Fo skell ny greiney er yn clieau
|
Under the ray of the sun, on the mountain
|
Nagh vel ain coontey ayns yn Ghoo
|
Do we not have a reckoning in the Word,
|
Quoi ren dy chooilley nhee y chroo
|
Which created everything,
|
Syn aer erskyn as er yn ooir
|
In the sky above and on the Earth,
|
As cummal seose eh lesh e phooar
|
And upholds it with his power?
|
O cur dooin graase chouds ta shin bio
|
O give us grace whilst we live,
|
Dy hirveish Oo ayns yn vea shoh
|
To serve You in this life
|
As lheein dagh annym lesh Dty ghraih
|
And fill every soul with Your love
|
Gys nee mayd cur my-ner Dty oaie
|
Until we behold your face
|
O Yee, ta liauyragh magh my vea
|
O God, who lengthens out my life
|
Er coontey Chreest, jean mee livrey
|
On account of Christ, deliver me
|
Er voish dagh loght as deyrey baaish
|
From every sin and mortal condemnation
|
As saue my annym liorish graase
|
And save my soul through grace
|
July yn nah laa, ayns yn vlein hoght cheead yeig kiare feed as nuy jeig.
|
July the second, in the year eighteen hundred and ninety-nine.
|
Creneash.
|
Cregneash.
|
Screeuit Liorish Edward Faragher
|
Written By Edward Faragher
|