|
Shee ta Ass Roshtyn Tushtey.
|
Peace Beyond Understanding
|
|
Ta deiney er n’irree magh noi Jee.
|
Men have rebelled against God.
|
|
Ta’n leih echey er ny vrishey,
|
His law has been broken,
|
|
As yn Ard-reiltys echey er ve soit beg jeh,
|
And his dominion has been despised,
|
|
As e ynrican Vac, e vac deyr, er ny chrossey.
|
And his only Son, his dear son, crucified,
|
|
Ta’n seihll ayns slane irree-magh.
|
The world is in complete rebellion.
|
|
Ren Chreest goll ny hrooid er y raad gys Calvary dy gheddyn baase son nyn beccaghyn as dy hurranse briwnys Jee. Er yn raad ren eh cur aash da ny deinee. Ren eh troggal seose ny merriu as fosley ny cleayshyn bouyr. Ren eh feaysley ny çhengaghyn moandagh. Ren eh lheihys ny louraanee lesh bentyn roo, liorish e laue chasherick. Ren eh leih peccaghyn as sauail peccee. Ayns graih feagh fastagh hie eh trooid yn seihll. As son e ghraih chur ad dwoaie da, as anvea as floutyn, as ec y jerrey; yn crosh dy angaaish as nearey. Ayns graih hooar eh baase son deiney, ayns cairys ren eh surranse ec laueyn Yee. Ayns yn ynnyd shen ta enmnysit Calvary, ren yn Çhiarn lhie ersyn yn loght ain ooilley. Va shee dy ve jeant. Quoi foddagh jannoo eh? Voddagh adsyn va er vrishey eh, voddagh yn peccagh va er n’irree magh. Cha voddagh er aght erbee. Ren Chreest goaill er Hene, yn obbyr niartal. As bannit dy row yn ennym Echey. T’eh er cooilleeney eh, as er yannoo shee trooid fuill E chrosh. T’eh cooilleenit. Ta’n obbyr jeant. Va shee er ny yannoo rish er gerrey da, daa housane dy vleeantyn er dy henney, da seihll oollee as er ny phreaçheil neayr’s yn traa shen da seihll dy pheccee. Cheau shiu sheese nyn greienyn dy irree magh. Ta thousaneyn streeu ayns fardail, dy yannoo nyn shee rish Jee. Agh ta’d er gerrey da daa housane blein ro anmagh. Ta shee er ve jeant as çhebbit er yn aght sasaigh ??? fegooish argid as fegooish leeagh. Ynrican credjal recortys Yee.
|
Christ went through it on the way to Calvary, to die for our sins and to suffer God’s judgement. On the way his gave rest to the weary. He raised up the dead and opened the deaf ears. He loosened stuttering tongues. He healed the lepers by touching them, by his own holy hand. He forgave sins and saved sinners. In quiet, discreet love he went through the world. And for his love they gave him hate, strife and insults, and in the end; the cross of anguish and shame. In love, he died for men, in justice, he suffered at the hands of God. In that place that is called Calvary, the Lord laid upon him all of our sin. Peace was to be made. Who could do it? Would those who had broken him? Could the sinner who had rebelled? Not in any way. Christ took it upon himself; the mighty work. And blessed be His name. He has fufilled it, and has made peace through the blood of His cross. It is fufilled. The work is done. Peace was made near to him, two thousand years ago, for a ??? world and preached since that time to a world of sinners. You through down your ??? to rebel. Thousands struggle in vain, to make their peace with God, but they are nearly two thousand years too late. Peace has been made and offered in the easiest way, without money and without reward, only believing in God’s record.
|
|
Shee ayns smooinaght er y vaase.
|
Peace in thinking of death.
|
|
Shee ayns soilshey briwnys veaynid.
|
Peace in the light of the judgment of eternity,
|
|
Shee ayns kionefenish Jee casherick.
|
Peace in the presence of Holy God
|
|
Shee mychione nyn beccaghyn.
|
Peace concerning our sins.
|
|
Shee dagh laa myr ta shin shooyl er yn Ooir.
|
Peace every day as we walk upon the Earth.
|
|
Cre yn bannaght mooar, cre’n gioot erskin insh. As foddee eh ve lieu hene ayns y tullagh ta ayn. Cur shiu seose ec keayrt myr neuphossible dy chooilley smooinaghtyn dy yannoo nyn shee rish Jee, as çhyndaa shiu Huggey ayns credjue, goaill yn shee ta er ny hebbal diu dy nastee. T’eh coyrt eh son veg, cha vel eh creck agh stowal nyn jeir as padjeryn as ny reddyn share foddee shin jannoo. Ta ooilley ayns fardail dy yannoo yn shee ain rish Jee. T’eh coyrt agh cha vel er ny hauail. T’eh cur saualtys da quoi erbee nee goaill eh. As eisht goaill taitnys ayns moylley as booise y chloan çhionnit. Agh voish yn peccagh cha vel Eh ghoaill veg son cha vel veg echey dy chur, agh peccah. Ta Jee çhebbal shee duish ta lhaih ny goan shoh. Eer graih nyn annym, ny jean shiu soieagh beg jeh.
|
What a great blessing, what a gift beyond relating. And it can be your own in this very instant. Give up at once as impossible every thought of making your peace with God, and turn to Him in faith, take the peace that is offered for free. He gives it for nothing, he does not sell, but bestows our tears and prayers, and the best things we can do are all in vain for making our peace with God. He gives but he is not saved. He gives salvation to whoever will take it, and then enjoys praise and the thanks of his redeemed children. But from the sinner He takes nothing, for he has nothing to give, except sin. God offers peace to those who read these words. The very love of our souls, do not think little of it.
|
|
Scrieut yn nah laa jeh’n Vayrt ayns yn vlein nee cheeid yeig
|
Written on the second day of March in the year nineteen hundred.
|
|
Liorish E Farquhar ayns Crenaish
|
By E Farquhar in Cregneash.
|