|
Scrieut er Laa Feayr syn Niarragh
|
Written on a cold day in Spring.
|
|
Scrieut er laa feayr sy’n niarragh
|
Written on a cold day in Spring.
|
|
Ta’n Niarragh er jeet lesh feayraght as rio,
|
The Spring has come with cold and ice,
|
|
Ta’n aer jeeaghyn quaagh dy mie,
|
The sky looks well strange,
|
|
My hig eh er sniaghtey, ny keeree vees fo,
|
If it manages to snow, the sheep will be submerged,
|
|
Eisht gow shiu dy gheddyn ad thie.
|
Then you will go to get them home.
|
|
Ta’n gheay feayr nish sheidey er voish yn niar-hwoaie,
|
The cold wind now blows from the northeast,
|
|
As bodjallyn dorraghey gaase,
|
And clouds become dark,
|
|
Nagh faag shiu ny kirree as cabbil mooie,
|
Did you not leave the sheep and horses out,
|
|
As gow shiu kiarail jeh’n vaase.
|
And took care of the cattle,
|
|
Son shimmey cretoor boght ta’n sniaghtey er stroie,
|
For many’s the poor creature that snow destroys,
|
|
Syn imbagh ta shaghey er gholl,
|
In the season that has gone past,
|
|
As mennick va riojit ny lhie rish ny clieyee,
|
And often were lying frozen by the hedges,
|
|
Ny rouail ersooyl veih nyn oayl,
|
Or wandering away from their homes,
|
|
Eisht, jean shiu goaill tastey as kiarail ayns traa
|
Then, take notice and plan in time,
|
|
Dy haglym ny shellooyn stiagh,
|
To gather in the herds,
|
|
As nish trog shiu erriu, ayns soilshey yn laa,
|
And now you will get up, in the light of day,
|
|
Dy hauail yn maase veih’n chragh,
|
To save the cattle from destruction,
|
|
Ny heayin ass yn feayraght gys fastee yn chliey
|
The lambs out of the cold to the shelter of the hedge,
|
|
Nish eiyr shiu ad sheese veih’n chlieau,
|
Now chase them down from the mountain,
|
|
As nyn moiraghyn neesht, dy vod ad goaill fea
|
And their mothers too, so they can take rest
|
|
Shen chliaghtey te’r ve er dy rieau.
|
That is a practice that has always gone on.
|
|
Scriut ayns yn vlein hoght cheead yeig kaire feed as nuy jeig.
|
Written in the year eighteen hundred and ninety-nine.
|
|
Liorish E Farquhar ayns Skeelley Chreest, ayns yn vlein three feed as nuy jeh e eash, ayns Mannin
|
By E Farquhar in Rushen Parish, in year sixty-nine of his age, in the Isle of Man.
|