|
Lhig da’n soilshey eu soilshean kiongoyrt rish deiney dy vod ad fakin nyn obbraghyn mie as gloyraghey nyn Ayr ta ayns Niau.
|
Let your light shine in the presence of men, so that they may see your good works and glorify their Father in Heaven.
|
|
Vel shiu rieau er lhaih mychione yn inneen veg ren foaddey ny londeyryn ayns thie soilshey? Va’n ayr eck cummal ayns thie-soilshey ayns Cornwall. Er laa dy noo ren eh goll voish y thie, kiarail dy heet reesht ayns traa gerrid. Ren eh faagail yn inneen veg ayns yn thie soilshey ny lomarcan. Va lhong feer wooar er yn raaid thie, as v’ad jerkal ree yn oie shen, agh va paart dy gheiney olkyssagh laccal geddyn yn lhong caillit as ren ad goaill ayr yn inneen veg as freayll eh ayns pryssoon, tra v’eh er yn raaid thie.
|
Have you ever read about the litte girl who lit the lamps in a lighthouse? Her Father was living in a lighthouse in Cornwall. On a saint’s day (holiday) he went from the house, intending to come back in a short while. He left the little girl in the lighthouse alone. There was a very large ship on the way home, and they were expecting her that night, but there were some evil men wanting to get the ship lost and they took the father of the little girl and kept him in a prison, when he was on the way home.
|
|
Va’n inneen veg feer agglit tra honnick ee nagh row yn ayr eck çheet ayns traa dy oaddey ny londeyryn. Agh v’ee dy mennick er vakin eh foaddey ad as ga dy row eh obbyr feer doillee as danjeyragh, ren ee clamberagh seose gys mullagh yn thie ard as foaddey ny londeyryn ee hene. Va’n inneen veg shoh toiggal cre cha ymmyrçhagh as v’eh da’n soilshey dy ve ry akin. Cha row ee agh lhiannoo ynrican, agh ren ee ny v’ee abyl as haink yn lhong aalin thie sauchey.
|
The little girl was very frightened when she saw that her father wasn’t coming back in time to light the lamps, but she had often seen him lighting them and although it was a very difficult and dangerous job, she climbed up to the top of the high building and lit the lamps herself. This little girl understood how necessary it was for the light to be visible. She was only an only child, but she did what she could and the beautiful ship came home safe.
|
|
As myr shen shegin da soilshey yn Chreestee ve ry akin. Foddee nagh vel yn soilshey ayd feer wooar, agh vel eh soilshey ta soilshean? Cha vel mish agh ynrican cainle shuin, foddee oo gra, agh nee’m streeu dy lossey cha sollys as foddym da Yeesey. Agh cre’n aght shegin da yn soilshey ayd soilshean er yn seihll. Yn aght dy vod deiney fakin dty obbraghyn mie as gloyraghey yn Ayr ain ta ayns Niau? My ta’d fakin ny obbraghyn mie ayds as moylley oo hene, shegin da red ennagh ve cam.
|
And so must the light of the Christian be visible. Maybe your light is not very great, but is it a light that shines? I am only a rush candle, you may say, but I will strive to burn as bright as I can for Jesus. But how must your light shine on the world? So as men may see your good works and glorify our Father who is Heaven? If they see your good works and praise you yourself, something must be awry.
|
|
Cha nee ynrican eisht shegin dhyt ve kenjal, as graihagh gys dty cumraagyn, agh shegin dhyt streeu dy vod ad fakin dy re yn oyr dy vel oo chreestee, ta jannoo as myr t’ou.
|
Therefore, not only must you be kind, and loving towards your companions, but you must endeavour that they may see that it is because you are a Christian, that you do as you do.
|
|
Myr shen, ta fys ayd dy dooyrt Yeesey “Mish Soilshey yn Theihll” agh eisht t’eh gra rish y ynseydee “shiush soilshey yn seihll.”
|
So, you know that Jesus said “I am the Light of the World,” but then he says to his students “you are the light of the world.”
|
|
My charrey deyr, my ta Yeesey ayns dty chree, nee eh soilshean trooid dty eddin, ayns nyn goan, as jannoo myr ta’n soilshey solshean trooid gless yn londeyr, ta mygeayrt-y-mysh. Cum faggys gys Yeesey eisht, as bee oo shickyr dy hoilshean dy sollys, ayns mean seihll dy ghorraghys.
|
My dear friend, if Jesus is in your heart, he will shine through your face, in your words, and make (it) like the light that shines through the glass of the lamp, that is around him. Stay close to Jesus then, and you will be sure to shine brightly in the midst of a world of darkness.
|
|
Screeuit er yn jeihoo laa jeh mee veanagh yn tourey ayns yn vlein hoght cheead yeig, kiare feed as nuy jeig.
|
Written on the tenth day of June in the year eighteen ninety-nine.
|
|
E. Farquhar
|
E. Farquhar.
|