| Manx | English | |
|---|---|---|
| Jean credjal ayns yn Chiarn Yeesey Chreest as bee oo er dty hauaill. | Believe in the Lord Jesus Christ and you will be saved. | |
| Shoh credjal ayns yn Çhiarn Yeesey Chreest çheet huggey as treishteil oo hene as ooilley dty pheccaghyn er, credjal dy vel eshyn abyl dellal roo, ny share ny t’ou hene, neayr’s haink eh voish Niau dy ymmyrkey ad ayns y chorp hene er yn villey, as myr shen dy ghoaill ad ersooyl, liorish treishteil yn Çhiarn Yeesey Chreest. | This is belief in the Lord Jesus Christ, coming to him, and trusting yourself and all your sins unto him, believing that he is able to deal with them better than you are yourself, since he came from Heaven to bear them in his own violated body, and so to take them away, by trusting in the Lord Jesus Christ. | |
| Er yn aght shoh, ta’n caghlaa mooar er ny yannoo. Ta shin abyl goaill Jee ec e ghoo, as goaill yn pardoon. Te dy hebbal dooin, trooid fuill Yeesey Creest, myr shen ta shee ain er yn oyr dy vel Eh er yannoo shee dooin, as bee yn aigney gholliee er ny lhoobey as currit seose gys yn Çhiarn Yeesey Chreest. As tra ta shen jeant ta nyn mea er ny caghlaa, er yn oyr dy vel ee currit seose gys Chreest ayns ynnyd ve ayns yn kiaraill ayd hene as Satan. | In this way, the great change is made. We are able to take God at his word, and take the pardon. It is offered to us, through the blood of Jesus Christ, therefore we have peace because He has made peace for us, and the difficult mind is folded and given up to the Lord Jesus Christ. And when that is done our life is changed, because it is given up to Christ instead of being in the care of yourself and Satan. | |
| Treisht ayn er yn aght shoh as bee oo er ny hauaill, dy jean yn spyrryd casherick jannoo shoh baghtal dhyt, as da ooilley ny ta lhaih ny goan shoh dy vod ad ve er ny hauaill. | Trust in him in this way and you will be saved, so that the holy spirit will make this clear to you, and for all that read these words that they may be saved. | |
| Ny yeih foddee oo gra lurg dhyt ve er lhaih choud’s shoh nagh vel shen feer aashagh, nagh vel orrin dy ghoaill arrys. | Anyway, you might say after you have read as far as this, “isn’t that very easy, that we we don’t have to repent.” | |
| Ta paart dy jarroo er ve ayns seaghyn mooar son peccah feer faggys da jannoo meehcredjue roish va’d cur my-ner yn raad dy haualtys, agh cha vel ooilley myr shen smooinaght dy vel oo ayns jeeanid dy gheddyn saualtys, as aarloo dy heet er gys Yeesey Chreest ayns yn aght ta pointit magh dhyt | Some indeed have been in great sorrow for sin, very close to commiting heresy before they observe the way to salvation, but not all like that think that you are in earnestness to find salvation, and ready to come unto Jesus Christ in the way that is pointed out for you. | |
| Lhig dou briaght jeed vel oo er vakin yn saualtagh surranse er yn chrosh son ayd’s, as ymmyrkey dty pheccaghyn? Er chur my-ner Eayn Yee ta goaill ersooyl peccah yn seihll, t’ou toiggal shoh as credjal ee. Vod oo eisht goll er dty hoshiaght, graihagh er peccah va yn oyr jeh ooilley shoh? Nagh jean oo cur dwoaie daue lesh ooilley dy chree as çhyndaa ersooyl voue? | Let me ask you if you have seen the saviour suffering on the cross for you, and bearing your sins? Having beheld the Lamb of God that takes away the sin of the world, you understand this and believe it. Can you then go forward, loving sin, that was the cause of all this? Won’t you hate them with all your heart and turn away from them? | |
| Shicker, my t’ou credjal dy cairagh dy ren nyn beccaghyn croshey yn Çhiarn Yeesey Chreest, cha vod oo agh ve dwoaieagh er peccah. Nagh vel shoh dy ve arrysagh? Gow Yeesey Chreest, ayns yn aght cair, myr dty haualtagh, as cha vod oo agh ve arrysagh son peccah. | Sure, if you believe rightfully that our sins crucified the Lord Jesus Christ, you cannot but hate sin. Isn’t this to be repentant? Take Jesus Christ, in the righteous way, to be your saviour, and you cannot but be penitent for sin. | |
| Agh foddee oo briaght reesht “Nagh negin dou prayal?”. Shegin liorish dy chooilley oyr, agh bee kiarailagh, nagh jean dty phadjeryn shassoo ayns yn raad jeh goaill yn pardoon, ta çhebbyt dhyt. | But you may ask back “Don’t I have to pray?”. It is necessary by all means, but be careful that your prayers don’t stand in the way of taking the pardon that is offered to you. | |
| Cooinniee nagh vel ayd dy yannoo Jee arryltagh liorish dty phadjeryn, agh ynrincan dy ghoaill yn pardoon voish, fer ta dy graihagh çhebbal eh dhyt’s dy gholl er briaght son red ta cummit magh dhyt. T’eh dellal ny croie-wannalys, jean prayal er dy chooilley oyr, agh lhig da’n phadjer ve shoh: | Remember that you only have to make God willing by your prayers, to take the pardon from him, one that is lovingly offering it to you to be asked for, a thing that is held out for you. It is a hard-necked deal. Pray for every reason, but let the prayer be this; | |
|
Nagh vel ayd dy yannoo— this translates the English verb of compulsion ‘have to’ by means of the ‘ta x ayd’ construction which does not carry the same meaning in Manx. The expected phrase here would be Nagh vel ort dy yannoo ....
| ||
| “Bee myghinagh dooy’s, ta my pheccagh.” | “Be merciful to me, a sinner”. | |
| For dy chooilley oyr jean shirrey, agh jean goaill myrgeddin cha nee padjer ta sauaill oo agh Yeesey Chreest ta çhebbal dhyt pardoon my nee oo goaill eh. | For all reasons request, but also accept. It is not prayer that saves you, but Jesus Christ who offers you pardon if you will take it. | |
| Ny yeih, foddee oo geddyn ymmodee reddyn ec y jerrey, jeh sonsheraght yn noid. Agh ta mish credjal dy bee ad ooilley er ny veeiteil, my nee oo ynrican freayl ny three focklyn shoh ayns cooinniaghtyn; dy vel oural Chreest er yn chrosh slane fondagh dy vel Jee, ta er yialdyn pardoon, eh nagh vod jannoo breag, as mygeddin quoi erbee nee credjal be eh er ny hauaill as dy vel oo ayns yn ‘quoi erbee’ shen. | Nevertheless, you can find many things in the end, of the whisperings of the enemy. But I believe that all will be be met, if you only keep these three words in mind, That the sacrifice of Christ on the cross is completely sufficient, that God, who has promised pardon, he who cannot construct a lie, and also, anyone who will believes will be saved and that you are included in that ‘anyone’. | |
| O jeeagh ersooyl voish ny dollysyn, jeeagh ersooyl void hene as jeeagh jeeraght er yn Saualtagh ta er ve graihagh ort lesh graih dy bragh farraghtyn. As treishteil ayns Chreest ynrican. Ta mee credjal dy bee oo abyl dy ghra dy ghiall Jee eh da dy chooilley unnane ta lhaih ny goan shoh, “Mac Yee va ghraihagh orrym as ren coyrt Eh hene er my hon. Ta mee credjal ayns yn Çhiarn Yeesey Chreest as ta mee sauailt. Ta mee credjal. Cooin uss lesh my credjue faase.” | O look away from the difficulties, look away from yourself and look straight at the saviour who has loved you with everlasting love. And trusting in Christ alone, I belive that you will be able to say to that God promised it to every one that reads these words, “Son of God who loved me and gave himself for me. I believe in the Lord Jesus Christ and I am saved. I believe. You will help me with my weak faith.” | |
| Crook | Crook | |
| Yn wheigoo laa, jeh mee veanagh yn tourey ayns yn vlein hoght cheead yeig kiare feed as nuy jeig. | The fifth day of June in the year eighteen hundred and eighty-nine. | |
| Edwd Farquhar | Edwd Farquhar | |