|
Cre erbee nee shiu shirrey ayns padjer liorish credjue nee shiu geddyn eh.
|
Whatever you seek in prayer, by faith you will find it.
|
|
Va dooinney aeg, va’n lughthie echey hene feer ghraihagh er, ren roie ersooyl gys America red beg dy vleintyn er dy henney fegooish gra c’raad v’eh goll ny cre’n lhong v’eh goll ayn. Va’n goll ersooyl echey er yn aght shoh lane seaghyn da e chaarjyn as lane trimshey da’n lughtthie echey hene ve er vaagail ny chooyl.
|
There was a young man whose own family truly loved him who ran away to America a few years ago without saying where he was going or which ship he was going on. His departure in this way was very upsetting for his friends and very sad for his own family that he had left behind.
|
|
As va’n shuyr shinney echey feer ghraihagh er, ren ee toshiaght, marish unnane jeh e caarjyn ayns yn seaghyn mooar shoh dy yannoo padjer gys Jee er-e-hon. Eisht, ren yn braar bare binney lesh va blein ny jees shinney na eh hene soieagh magh dy gholl gys America dy yeeaghyn er-e-hon. Voddagh ronsagh erbee ve jeeaghit er lesh ny sloo dy hreishteil, dy gheddyn magh eh fud keyljyn as faasaghyn yn çheer wooar shen? Row eh licklee dy voddagh yn rouailtagh boght ve er ny gheddyn magh? Agh va padjer dy yannoo er-e-hon dy kinjagh.
|
And his older sister really loved him. She began, with one of the friends in this great sorrow, to make a prayer to God for him, Then his most beloved brother, who was a year or two older than him set out to go to America to look for him. Could any search be looked upon with less hope, to find him amongst the forests and wildernesses of that country? Was it likely that poor rover could be found? But there was a prayer constantly made for him.
|
|
Daa cheayrt sy laa son shey shiaghtinyn ren yn çhuyr shen as e carrey meeitteil cooidjagh dy phrayal son bannaght Yee er yn vraayr ren goaill ayns laue dy yeeaghyn son yn fer va ersooyl, dy voddagh eh geddyn eh. Yn Jee ta geaishtagh er nyn skyn ren clashtyn as gansoor nyn badjeryn. V’an rouailtagh er ny gheddyn magh ec kione shey shiaghteeyn, ayns çheshvean unnane jeh ny baljyn mooarey ayns America as currit lesh thie liorish e vraar shinney.
|
Twice a day for six weeks that sister and the friend met together to pray for a God’s blessing upon the brother that undertook to look for the one who was gone, that he could find him. The God that listens above us heard and answered their prayers. The wanderer was discovered after six weeks in the very middle of one of the cities in America and brought home by the older brother.
|
|
O, dy jeanagh dooinney yn Çhiarn y volley son e vieys as son e obbraghyn yindyssagh gys cloan ghooinney.
|
O, if a man were to praise the Lord for his goodness and for his wonderful works towards mankind’s children.
|