As shiuish t’eh er vioghey, va marroo ayns oeccah

View in Corpus Edit on GitHub Download Text (CSV) Download Metadata (JSON)
Manx English
As shiuish t’eh er vioghey, va marroo ayns peccah. And you hath he quickened, who were dead in sin;
Ta thie ayns Germany cour cloan-gyn-ayr nagh vel caarjyn oc dy yannoo veg er-nyn-son. Tra ta lhiannoo noa goit stiagh yn cheid red ta’d jannoo rish; goaill caslys scaanagh jeh son my nee eh gaase moyrnagh, tra t’eh gaase seose, dy vod eh ve er ny ynshlaghey tra t’eh fakin cre’n lhiannoo broigh as frytlagh v’eh keayrt. As myr shen t’eh ymmyrçhagh dooinyn dy yeeaghyn nyn jeih. Ta’n Bible er ghoaill yn cochaslys ainyn cronnal dy liooar, as shoh eh marroo ayns loghtyn as peccah, shen va’n caslys va shin ayn keayrt, as myr t’eh inshlaghey shin. Lhig da myrgeddin lieeney nyn greeaghyn lesh boggey as toyrt-booise, as nyn meeal lesh arraneyn moylee, gys nyn er-chionnee niartial. There is a home in Germany for orphans that don’t have friends to do anything for them. When a new child is taken in, the first thing they do to him; take a photograph of him so that if he becomes proud, when he grows up, that he can be humbled when he sees what a filthy and ragged child he once was. And like that, is it necessary for us to look behind us. The Bible has taken our picture clear enough, and here it is; dead in trespasses and sin, that is the picture we were once in, and as it humbles us. Let it also fill our hearts with joy and acknowledgment, and our mouths with songs of praise to our mighty redeemer.
Jee ta berçhagh ayns myghin son e ghraih wooar t’eh er ve cha graihagh orrin. Tra va shin marroo ayns loghtyn as peccah, ren eh shin y viogey, as t’eh er yn oyr dy ren Creest surranse baase dy voddagh adsyn ta credjall ayn ve jeant bio; son ta’d er ny hroggal seose marish Chreest. God, who is rich in mercy because it is his great love that has loved us so much. When we were dead in trespasses and sin, he brought us back to life, and it is because Christ suffered death that those who believe in him could be made alive; for they are raised up with Christ.
Ta mee er lhaih mychione ashoonagh ren çhyndaa gys Creestee, as ve laccal soilshaghey da fer elley cre’n aght ren Creest sauaill eh. I have read about a pagan that turned into a Christian, and he was wanting to explain to another man how Christ saved him.
Ghow eh dhiane as ren eh as ren eh coyrt yn dhiane er mullagh clagh eisht ren eh coyrt coonlagh runt mygeayrt-y-mysh, yn clagh, eisht ren eh soiagh yn choonlagh er aile as tra va’n choonlagh ooilley ny lossey as yn dhiane ayns gaue dy ve losht, ren eh roie trooid yn aile as troggal seose yn dhiane ayns e laue. “Shoh yn aght,” dooyrt eh, “ren Creest roie stiagh, as goaill mee ayns e roihaghyn, as sauail mee, as nish ta mish peccagh sauailt liorish grayse – Ta ooilly faase gyn cooney y Hiarn. He took an earthworm and he put the earthworm on top of a stone, then he put straw round about it, the stone, then he set the straw on fire, and when the straw was all aflame, and the earthworm in danger of being burned, he ran through the fire and lifted up the earthworm in his hand. “This is how,” he said, “Christ ran in, and took me in his arms and saved me, and now I am a sinner saved by grace – All are weak without the Lord’s help.
Nish tuittym er dty roih Now falling on your arm
Bee nish my niart as ynrikys Be now my might and truth
As my haualtagh Jee And my saviour God
Yn jeihoo laa jeh mee veanagh yn theurey ayns yn vlein hoght cheead jeig kair feed as niee jeig. The tenth day of June, in the year eighteen hundred and ninety-nine.
Farquhar. Farquhar.
*Yn Vible Casherick; Ephesians 2; 1: *Bible: Ephesianee 2;1:
As shiuish t’eh er vioghey, va marroo ayns loghtyn as peccah. And you hath he quickened, who were dead in trespasses and sins;