|
Resooney er Tuittym Adam
|
A Discourse on the The Fall of Adam
|
|
Va’n seihll feer aalin roish va’n sarey brisht,
|
The world was really beautiful before the comand was broken,
|
|
Gyn sterrym, geay as fliaghey, myr t’ayn nish,
|
Without storm, wind and rain as it is now,
|
|
Coamrit ayns stoamid as dagh nhee ayns blaa,
|
Clothed in elegence and everything in bloom,
|
|
Yn ghrian ayns aalid va soilshean dagh laa.
|
The sun in beauty was shining every day.
|
|
S’maynrey va Adam ayns ny laghyn shen,
|
How happy Adam was in those days
|
|
Rosih ren eh geaishtagh rish coraa yn ven,
|
Before he listened to the voice of his wife
|
|
As goaill jeh’n mess nagh row ee lowit dy ee,
|
And took of the fruit that he wasn’t allowed to eat
|
|
As brishey sarey geyre yn niartal; Jee.
|
And broke the strict comand of the mighty; God.
|
|
Ren nyn neu-firinys nyn sluight y stroie,
|
Our false assertion ruined our progeny,
|
|
As nish ta peccah harrish ooilley roie,
|
And now sin runs over all,
|
|
Tra ren yn ven coyrle yn ardnieu y ghoaill,
|
When the woman took the advice of the serpent,
|
|
As v’ad nyn neesht gys mie as sie cha doal.
|
Whilst they were both so blind to good and bad.
|
|
Ren yn ardnieu dy croutagh molley ee,
|
The serpent craftily decieved her,
|
|
As ren ish cleaney Adam ayns e chree,
|
And she persuaded Adam in his heart,
|
|
Va’d eiyrt magh ass pargys dy rouaill,
|
They were chased out of paradise to wander
|
|
Fud seihll dy voirey laadit lesh cairail.
|
Through a world of trouble laden with care.
|
|
Dy hraue yn thalloo ass v’ad er ny ghoaill
|
To plough the land out of which they were taken,
|
|
Er voish nyn gummal, foddey veih nyn oayl
|
From their dwelling far from their homeland,
|
|
Drinen as dressyn ayns nyn laborogh gaase
|
Thorns and brambles grew in their labour,
|
|
Ee-hene as slane e lught fo dearey baaish.
|
Herself and all her lot condemned to death.
|
|
Gys ren Mac Yee goaill çhymmey jeh nyn stayd,
|
Until the Son of Man took pity on their state,
|
|
As goaill Er-hene nyn drimshey as nyn laad,
|
And took upon Himself their sadness and their load,
|
|
Mac Yee eh Hene ayns graih as lane eereeish,
|
Son of God Himself in love and full of compassion,
|
|
Haink neose dy osley dorrys Phargys reesht.
|
Came down to open the door of paradise again.
|
|
She graih hug lesh Eh voish gloyr ayns Niau,
|
It was love that brought Him from glory in Heaven,
|
|
Dy hurranse baase son ooilley cloan sheelnaue,
|
To suffer death for all mankind’s children,
|
|
Ta’n peccah Adam as son slane e chloan,
|
The sin is Adam’s and for all his children,
|
|
Hooar eh yn baase as chroym Eh sheese e chione.
|
He suffered death and He bowed down his head.
|
|
Agh ren Eh girree reesht ec kione tree laa,
|
But He rose again after three days,
|
|
Cha voddagh baase freyl fo eh lesh e gah,
|
Death could not keep him under with her sting,
|
|
Liorish E vea as surranse er yn chrosh,
|
By means of His life and suffering on the cross,
|
|
Ren Eh yn noid ain ooilley chur fo cosh.
|
He overcame the enemy of us all.
|
|
Nish er yn stoyl reeoil marish E Ayr,
|
Now on the royal throne with His Father,
|
|
Son eashyn beeayn dy ve dooin son pleadeyr,
|
For eternal ages to be a plaintiff for us,
|
|
Nagh lhisagh shin da Jee yn Ayr cur booise,
|
Shouldn’t we give thanks to God the Father,
|
|
Er son yn ghioot dy ghraih t’eh er çheet sheese,
|
For the gift of love he has come down,
|
|
Dy voddagh shin ve sauailit trooid toilçhinys Chreest,
|
So that we could be saved through the merit of Christ.
|
|
As gheddyn ayrn ayns maynrys Phargys reesht,
|
And find a part in the happiness of Paradise again,
|
|
O Spyrryd mie lhieen slane my chree lesh graih,
|
O Good Spirit fill up my heart with love,
|
|
As jean mee cooie dy cur my-ner Dty oaie.
|
And make me suitable to behold Thy face.
|
|
Nish ayns yn uill my annym jean y niee,
|
Now, wash my soul in the blood,
|
|
As voish dagh loght as brooid jean glenney mee,
|
And from every sin and bruise purify me,
|
|
Dy voddym gimmeeaght nish ayns Dty pooar
|
So that I can depart now in Thy power,
|
|
As ooashlagh ec Dty stoyl reeoil ayns gloyr.
|
And worship at Thy royal throne in glory.
|
|
Dty oural folley hene ta my hreisteil,
|
Thy sacrifice of flesh itself is my hope,
|
|
Lhig da Dty Spyrryd mie mee y leeideill,
|
Let Thy good Spirit lead me,
|
|
Ayns raaid yn chairys choud as ta mee bio,
|
In the way of righteousness for as long as I live,
|
|
As eisht cur ayrn dou Mayrt ayns yn vea noa.
|
And then give to me a share with Thee new life.
|
|
O Ayr yn toilshey Voyd’s ta cheet dagh gioot,
|
O Father of light from Thee comes every gift,
|
|
Gow ass my chree dagh aggle as dagh dooyt hene,
|
Take from my heart every fear and every very doubt,
|
|
Chur dou yn credjue ta çheet neose Voyd,
|
Give me the faith that comes down from Thee,
|
|
As brish ny geulaghyn dy pheccah jee’m.
|
And break the chains of sin from me.
|
|
Edward Faragher
|
Edward Faragher
|
|
Cregnaish
|
Cregnaeash
|