|
Faagail Mannin ayns 1863
|
Leaving Mannin in 1863
|
|
Ta mee faagail nish çheer my ghooie
|
I am now leaving my native land
|
|
Yn Ellan veg t’ayns mean y cheayn
|
The little Island in the middle of the sea
|
|
Harrish yn faarkey lhean dy roie
|
To sail over the wide ocean
|
|
Veih caarjyn deyr as Mannin Veen
|
From dear dear friends and Dear Mannin
|
|
Goll dy rouail ny lomarcan
|
Going to wander alone
|
|
Foddey voish ooilley bynney lhiam
|
Far from all I loved most
|
|
My yeir ta shilley sheese dy myn
|
My tears are falling down in pieces
|
|
Agh gerjagh arragh cha vel aym
|
But I have no more comfort
|
|
Slane eu my huyraghyn as braar
|
So long my sisters and brother
|
|
Slane eu, slane eu, my ainjysee
|
So long, so long, my acquantances
|
|
Slane eu, slane eu, my Voir as Ayr
|
So long, so long my Mother and Father
|
|
Foast ta shiu faggys da my chree
|
You are yet close to my heart
|
|
Agh ish ta slane my hee er stroie
|
But she was has completely destroyed my peace
|
|
Nish faagit foddey er my chooyl
|
Now left far behind me
|
|
As nish ayns siyr dy chosney voee
|
And now in a hurry to get away from her
|
|
Ayns faasaghyn yn seihll dy hooyl
|
To walk in the wildernesses of the world
|
|
Nish ta ny sleityn foddey jeh
|
Now the mountains are far off
|
|
Marish dagh nhee ta deyr da’n chree
|
With every thing that is dear to the heart
|
|
Ayns seaghyn nish dy cheau yn traa
|
To spend the time in sorrow
|
|
As gyn ny sodjey fakin ee
|
And not see her any longer
|
|
O Vannin veen foast ta my yier
|
O dear Mannin my tears still
|
|
Ec smooinnaght ort roie sheese my oaie
|
When thinking of you, run down my face
|
|
Agh ish ta geiyrt mee voish my heer
|
But she who drives me from my country
|
|
Ta er hoiagh beg jeh slane my ghraih
|
Who has despised all of my love
|
|
Slane ayd ven foalsey son dy braa
|
So long false woman forever
|
|
Cha jeanyms arragh paagey oo
|
I will not ever kiss you again
|
|
Ga dy bee’m deinagh ceau my hraa
|
Although I will be weary spending my time
|
|
Nee’m streeu gyn smooinaght ort ny smoo
|
I will strive not to think of you anymore.
|
|
Agh ga nagh jean mayd reesht meeiteil
|
But although we will not meet again
|
|
Syn astyer fo yn villey mooar
|
In the afternoon under the big tree
|
|
Ny-yeih nee ish as mish failleil
|
Nevertheless she and I will fail
|
|
As lhie dy chadley ayns yn ooir
|
And lie down to sleep in the soil
|
|
Farquhar
|
Farquhar
|