|
O Vannin dty sleityn ta girree,
|
O, Mannin your mountains that rise,
|
|
Dy feer tappee ayns y niar-hwoaie,
|
Very quickly in the north-east,
|
|
Boayl va mish keayrt bochillaght ny kirree,
|
Where I was once shepherding the sheep,
|
|
Er Cronk Veayl ayns skeerey my ghooie.
|
On Cronk Meayl in my native parish.
|
|
Shenn Chrenaish yn boayl va mee ruggit,
|
Old Cregneash, the place where I was born,
|
|
Ny croink nish ta scarleod as bwee,
|
The hills now are scarlet and yellow,
|
|
Yn boayl va mish coamrit as troggit,
|
The place where I was clothed and raised,
|
|
Yn shilley ta gerjagh my chree.
|
The sight that comforts my heart.
|
|
Nagh daag mish oo creen as feer fliughit,
|
Did I not leave you ripened and drenched,
|
|
As fowanit lesh yn gheay-niar,
|
And scorched by the east wind,
|
|
Ny croink nish lesh conney ta cooidit,
|
The hills now are covered with heather,
|
|
Lesh arroo as faiyr ayns dagh magher.
|
With corn and grass in each field.
|
|
Ny caarjyn va faagit çheu choolloo,
|
The friends that were left behind,
|
|
Ta farkiaght dy akin mee reesht,
|
Are waiting to see me again,
|
|
As Mannin ta nish er my veealloo,
|
And Mannin that is now in front of me,
|
|
My chummal ayns Shenn Skylley-Chreest.
|
My dwelling in Old Rushen Parish.
|
|
Ta’n niarragh lesh frassyn ny greiney,
|
The Spring, with sunny showers,
|
|
Er choamrey ny sleityn lesh blaa,
|
Have covered the mountains with bloom,
|
|
Ny coanyn ta coodit lesh geayney,
|
The valleys that are covered with vivd green,
|
|
As lossreeyn dy chaghlaaghyn daah.
|
And plants of diverse colours.
|
|
O, Vannin Veg Veen ayns yn aarkey,
|
O, Dear Little Mannin in the ocean,
|
|
Bee’m sauçhey er traie er y chooyl,
|
I’ll be safe ashore by and by,
|
|
Tayrn er gerrey da Baie ny Carrickey,
|
Drawing near to Baie ny Carrickey,
|
|
Dy leah er ny sleityn bee’m shooyl.
|
Soon on the mountains I’ll be walking.
|
|
Yn boayl verrym booise son dagh bannaght,
|
The place I will thank for every blessing
|
|
Yn coadey ta harrym dagh laa,
|
The protection that is over me every day,
|
|
Ayns treisht dy jean Eh mârym tannaght,
|
In trust that He will stay with me,
|
|
Yn Jee shen ta fegooish caghlaa.
|
That God that is without change.
|
|
Edwd Farquhar
|
Edwd Farquhar
|