| Manx | English | |
|---|---|---|
| DYS CHAGHTYR KIAULEAGHT VANNIN. | TO MONA’S HERALD | |
| Vainshtyr,— Ta mish er n’ hoail tastey jeh’n ymmodee foast ta shiu er n’yannoo ayns yn Ellan veg shoh, liorish sheidjey yn cayrn eu. Gow shiuish carrail jeh’n “Chen Phractitioner” va scrieu hiu yn chaghtin chaie, as nagh cur shiu ked da scrieu myr nane jeh ny ymmodee keing eu. Tra lhaih me ny scrieunyn eckey, va soyr yn chen shynnagh cha trome gort jeh, dy rou mee eagnit dy yeih my stroin. Haghyr dou keart dy ve ayns y cashtal, as denney mee yn soyr cheddin ayns shen. | Sir,— I have noticed the many favours you have done in this little Island, by blowing your trumpet. Be wary of the “Old Practitioner” who was writing to you the other week, and don’t give him permission to write like one of your many leaders. When I read his letters, there was a smell of the old fox off it, so heavy and sour that I had to shut (hold) my nose. I happened once to be in the castle, and I perceived the same smell there. | |
| Ta ny leighderyn nish foddey share ny va’d roish tra ROPER, ga dy vel part oc jannoo bingys dy looar liorish KIOLLANE BALLOO. Va ny Briwnyn as Leighderyn roish yn tra shen ooilley er yn un cheu; nish ta keint dy chairys er ny yannoo da’n theay, liorish bingys yn derrey yeh as kraulaaght yn jeh elley. Ta’n chen shynnagh shen pledeil injyl dy looiar, as t’eh ghoail ayns laue dy chosnee cooishyn myr boallagh eh. Cha vel mee gobbal nagh vel fer ny jeeis jeh ny leighderyn aaig ta keu famman, goll rish modde veggey as eddin deiney arroo. Ta me gra nagh vel me gobbal nagh vel resoon dy looar er cheu yn “Chen Phractitioner,” dy churt fo smaght ad. Ta daanys yn joul ayns paart oc, as ayns ny jishigyn ocreau. Foddee dy vel peccah ny heiraghyn er eirtys yn chloan. Gou shuish carrail jeh ny scrieudeyryn eu, er son foddee dy | The lawyers now are far better than they were before ROPER’s time, although some of them make enough melody by means of the DUMB BELL[1]. The Deemsters and Lawyers were before that time all on the same side; now there is a kind of justice actioned for the people, by means of the melody of one and the singing of the other. That old fox argues lowly enough, and he is undertaking to win cases like he used to. I’m not denying that there aren’t one or two of the young lawyers that wear a tail, like little dogs with men’s faces. I say that I’m not denying that there isn’t enough reason on the side of the “Old Practitioner” to discipline them. Some of them have the boldness of the devil in them, and in their dads before them. It may be that the sins of the fathers has followed on the children. You be careful of your writers, because maybe | |
|
[1] Kiaullane Balloo—‘Dumb Bell’—a play on the name ‘Dumbell’.
| ||
| “Geal shiu jeh Athaliah, yn moddey oalsey dewl, | You heard of Athaliah, the false, cruel dog, | |
| Tra stroie ee pobble Yudah, as ghow ee hene yn rheill. | When she destroyed the people of Judah, and took the rule (took over) herself.” | |
| Foddee eh taghyrt dy glein shiu reesht voish | It may happen that you will hear again from | |
| MANNINYN MAC LEAR. | MANNINYN MAC LEAR. | |
| Follaghey Vannin, yn Cheyoo-laa-yeig jeh’n Sourey. | Mannin’s Hideout, the sixteenth day of Summer (May). | |