| English | Manx | |
|---|---|---|
| [1] | YN CHIED HOMILY JEH AGGLISH HOSTYN: NY, | |
|
[1] “THE FIRST HOMILY OF THE CHURCH OF ENGLAND, OR”
| ||
| A FRUITFUL EXHORTATION TO THE READING AND KNOWLEDGE OF HOLY SCRIPTURE | COYRL VONDEISHAGH MYCHIONE LHAIH AS TOIGGAL NY SCRIPTYRYN CASHERICK | |
| I. | ||
| part 1. | ||
| The praise of holy Scripture. | Moylley ny Scriptyryn Casherick. | |
| The perfection of Holy Scripture. | Mieys ny Scriptyryn Casherick. | |
| The knowledge of Holy Scripture is necessary. | Tushtey ny Scriptyryn Casherick ymmyrchagh. | |
| Unto a Christian man, there can be nothing either more necessary or profitable, than the knowledge of Holy Scripture; forasmuch as in it is contained God’s true word, setting forth his glory, and also man’s duty. | Cha vod nhee erbee ve ny s’ymmyrchee ny ny s’vondeishee da Creesteenyn, na tushtey jeh ny Scriptyryn Casherick: er-yn-oyr dy nee ayns shen ta Goo firrinagh Yee soiaghey magh yn gloyr echeysyn, as myrgeddin currym dooinney. | |
| And there is no truth nor doctrine, necessary for our justification and everlasting salvation, but that is, or may be, drawn out of that fountain and well of truth. | As cha vel firrinys ny ynsagh erbee ymmyrchagh gys nyn saualtys dy bragh farraghtyn, nagh vod ve er ny hayrn veih’n farrane shen dy irriney. | |
| Therefore, as many as be desirous to enter into the right and perfect way unto God, must apply their minds to know Holy Scripture; without the which, they can neither sufficiently know God and his will, neither their office and duty. | Shen-y-fa whilleen as ta aggindagh dy ghoaill toshiaght er y raad cairagh, as jeeragh gys Jee, shegin daue tastey y choyrt dy hoiggal ny Scriptyryn Casherick; n’egooish cha vod eddyr enney ve oc er Jee as e aigney, ny er nyn oik as nyn gurrym hene. | |
| To whom the knowledge of Holy Scripture is sweet and pleasant | Yn vooinjer huc ta ny Scriptyryn Casherick millish as eunyssagh. | |
| Who be the enemies to Holy Scripture. | Quoi ta noidyn da ny Scriptyryn Casherick. | |
| An apt similitude, declaring of whom the Scripture is abhorred. | ||
| And as drink is pleasant to them that be dry, and meat to them that be hungry; so is the reading, hearing, searching, and studying of Holy Scripture, to them that be desirous to know God, or themselves, and to do his will. | As myr ta jough millish dauesyn ta paagh, as bee dauesyn ta accryssagh, myr shen ta lhaih, clashtyn, as ronsaghey ny Scriptyryn Casherick dauesyn ta aggindagh dy gheddyn tushtey jeh Jee ny jeu hene, as dy yannoo yn aigney echey: | |
| And their stomachs only do loathe and abhor the heavenly knowledge and food of God’s Word, that be so drowned in worldly vanities, that they neither savour God, nor any godliness: for that is the cause why they desire such vanities, rather than the true knowledge of God. | as ta tushtey flaunyssagh as ooraghey jeh Goo Yee skeeagh as feohdoil dauesyn ny-lomarcan ta wheesh sluggit seose lesh fardaillyssyn seihltagh, nagh vel blass oc eddyr jeh Jee ny craueeaght: son shen yn oyr dy vel ad graihagh er lheld ny fardaillyssyn, as cha nee er tushtey firrinagh Yee. | |
| As they that are sick of an ague, whatsoever they eat and drink, though it be never so pleasant, yet it is as bitter to them as wormwood; not for the bitterness of the meat but for the corrupt and bitter humour that is in their own tongue and mouth; even so is the sweetness of God’s Word bitter, not of itself, but only unto them that have their minds corrupted with long custom of sin and love of this world. | Myr t’adsyn ta ching jeh ny crayne,[2] cre-erbee t’ad gee ny giu, ga dy beagh eh ass-towse millish ayn hene, ny-yeih te dausyn cha shiarroo as ullymar; cha nee veih sherriuid yn beaghey, agh veih’n vrold as sherriuid t’ayns nyn meeal hene; myr shoh ta miljid Goo Yee sharroo, cha nee ayn hene, agh ynrican dauesyn ta ny aignaghyn oc millit lesh cliaghtaghyn peccoil as graih yn theihll shoh. | |
|
[2] ny crayne] Thomson: ‘= yn chreayn; perhaps perceived as pl.’
| ||
| An exhortation unto the diligent reading and searching of the holy Scripture. Matt. iv | Coyrl gys lhaih, clashtyn as ronsaghey ny Scriptyryn Casherick | |
| Therefore, forsaking the corrupt judgment of fleshly men, which care not but for their carcase, let us reverently hear and read Holy Scripture, which is the food of the soul. | Shen-y-fa, coyrt cooyl rish smooinaghtyn broghe deiney foalley, nagh vel geill oc da veg agh nyn girp marvaanagh, lhig dooin lesh arrym clashtyn as lhaih ny Scriptyryn Casherick, ta beaghey yn annym; (Mian iv. 4); | |
| Let us diligently search for the well of life in the books of the New and Old Testament, and not run to the stinking puddles of men’s traditions, devised by men’s imagination, for our justification and salvation. | lhig dooin dy tastagh shirrey chibber y vea ayns lioaryn y Chonaant Noa as y Chenn Chonaant, as gyn roie dy v’er nyn seyrey as er nyn sauail gys puill broghe oardaghyn deiney er ny geddyn magh liorish yn aigney oc hene. | |
| The holy Scripture is a sufficient doctrine for our salvation. | Ta’n Scriptyr Casherick ynsagh fondagh son nyn Saualtys. | |
| What things we may learn in the holy Scripture | Cre ny reddyn oddys mayd gynsaghey ayns ny Scriptyryn Casherick. | |
| For in Holy Scripture is fully contained what we ought to do, and what to eschew, what to believe, what to love, and what to look for at God’s hands at length. | Son ayns ny Scriptyryn te soilshit dy baghtal cre t’orrin dy yannoo, as cre dy haghney, cre t’orrin dy ehredjal, cre ta shm dy ve graihagh er, as cre t’ain ec y Jerrey dy yeeaghyn er y hon ec laueyn Yee. | |
| In these books we shall find the Father from whom, the Son by whom, and the Holy Ghost in whom, all things have their being and keeping up; and these three Persons to be but one God, and one substance. | Ayns ny lioaryn shoh yiow mayd yn Ayr veih, yn Mac liorish, as y Spyrryd Noo ayn ta dy chooilley nhee bio as bioyr as baghey; as ny tree Persoonyn shoh dy ve Un Jee, as jeh un vree. | |
| In these books we may learn to know ourselves, how vile and miserable we be; and also to know God, how good he is of himself, and how he maketh us and all creatures partakers of his goodness. | Ayns ny lioaryn shoh foddee mayd gynsaghey dy hoiggal shin hene, cre cha neu-feu as treih ta shin; as myrgeddin dy hoiggal Jee, cre cha mie t’eh ayn hene, as cre’n aght t’eh coyrt orrin as er ooilley e chretooryn dy ghoaill ayrn ayns e vieys. | |
| Holy Scripture ministereth sufficient doctrine for all degrees and ages. | Ayns ny Scriptyryn Casherick t’er ny gheddyn ynsagh fondagh son dy chooilley stayd as eash. | |
| We may learn also in these books to know God’s will and pleasure, as much as, for this present time, is convenient for us to know. | Foddee mayd gynsaghey myrgeddin ayns ny lioaryn shoh wheesh jeh aigney Yee as ta cooie dooin dy hoiggal ’sy stayd ta shin nish ayn. | |
| And as the great Clerk and godly Preacher, St. John Chrysostom, saith, whatsoever is required to the salvation of man, is fully contained in the Scripture of God. He that is ignorant, may there learn and have knowledge. | As, myr ta’n Chirveishagh tushtagh as Preachoor crauee Juan Chrysostom gra, Cre erbee ta ymmyrchagh gys saualtys dooinney te goit stiagh ayns Scriptyryn Yee: | |
| He that is hard-hearted, and an obstinate sinner, shall there find everlasting torments, prepared of God’s justice, to make him afraid, and to mollify, or soften him. He that is oppressed with misery in this world, shall there find relief in the promises of everlasting life, to his great consolation and comfort. | foddee eshyn ta mee-hushtagh, gynsaghey as geddyn tushtey ayns shen; nee yn drogh-yantagh roonagh feddyn ayns shen torchagh dy bragh farraghtyn cairyt liorish cairys Yee dy agglaghey eh, ny dy veenaghey eh; nee eshyn ta trome-laadit lesh seaghyn y vea shoh, feddyn kemmyrk ayns gialdynyn y vea dy bragh farraghtyn, gys e gerjagh mooar; | |
| He that is wounded by the Devil unto death, shall find there medicine, whereby he may be restored again unto health. | nee eshyn ta guint liorish y drogh-spyrryd eer gys baase, feddyn ayns shen saasyn lheihys lioroo oddys eh e lhiant[3] y chosney reesht. | |
|
[3] lhiant] i.e. lhaynt
| ||
| If it shall require to teach any truth, or reprove false doctrine, to rebuke any vice, to commend any virtue, to give good counsel, to comfort, or exhort, or to do any other thing requisite for our salvation; all those things, saith St. Chrysostom, we may learn plentifully of the Scripture. | My vees eh ymmyrchagh dy ynsaghey firrinys erbee, ny dy gheyrey ynsagh erbee foalsey, dy chur oghsan da olk, dy voylley craueeaght, dy choyrt coyrle vie, dy gherjaghey, ny dy choyrlaghey, ny nhee erbee elley y yannoo ta ymmyrchagh gys nyn saualtys, —ooilley ny reddyn shoh foddee mayd gynsaghey veih ny Scriptyryn ayns slane towse. | |
| There is, saith Fulgentius, abundantly enough, both for men to eat, and children to suck. There is whatsoever is meet for all ages and for all degrees and sorts of men | Ta palchey, myr ta Fulgentius gra, chammah son deiney dy ee, as son cloan dy yiole. Ta dy chooilley nhee ayns shen ta cooie son dy chooilley eash as sorch as stayd dy leih. | |
| What commodities and profits the knowledge of Holy Scripture bringeth. | Ny vondeishyn ta tushtey jeh ny Scriptyryn Casherick coyrt lesh marish. | |
| These books, therefore, ought to be much in our hands, in our eyes, in our ears, in our mouths, but most of all in our hearts. | Lhisagh ny lioaryn shoh eisht ve dy mennic ayns nyn laueyn, ayns nyn sooillyn, ayns nyn gleayshyn, as ayns nyn meeal, agh erskyn ooilley ayns nyn greeaghyn. | |
| For the Scripture of God is the heavenly meat of our souls: the hearing and keeping of it maketh us blessed, sanctifieth us, and maketh us holy; it turneth our souls; it is a light lantern to our feet; it is a sure, stedfast, and everlasting instrument of salvation; it giveth wisdom to the humble and lowly hearts; it comforteth, maketh glad, cheereth, and cherisheth our conscience, it is a more excellent jewel, or treasure, than any gold or precious stone; it is more sweet than honey or honey-comb; Matt. iv. Luke xi. John xvii. Psalm xix. | Son ta Goo Yee beaghey flaunyssagh nyn anmeenyn: ta’n clashtyn as freayll eh jannoo shin maynrey, as casherickey shin; te chyndaa nyn anmeenyn; te londeyr sollys da nyn gassyn; te greï dy haualtys ta fondagh, shickyr, as dy bragh farraghtyn; te coyrt creenaght da ny creeaghyn imlee as injil; te gerjaghey, jannoo gennal, ooraghey, as niartaghey nyn gooinsheanse;. te berchys shiare na airh, ny clagh erbee costal; te ny s’miljey na mill as y chere-volley. (Mian iv. 4; Luke xi. 28; Ean xvii. 17; Ps. xix. 10.) | |
| it is called the best part, which Mary did choose; Luke x. for it hath in it everlasting comfort. The words of Holy Scripture be called words of everlasting life: John vi. for they be God’s instrument, ordained for the same purpose. | Te enmyssit "yn ayrn shiare," ren Moirrey y reih (Luke x. 42) son te goaill stiagh gerjagh dy bragh farraghtyn. Ta goan ny Scriptyryn Casherick enmyssit goan y vea dy bragh farraghtyn (Ean vi. 68): son t’ad greï Yee cairit son yn oyr shen. | |
| They have power to turn, through God’s promise; and they be effectual through God’s assistance; and being received in a faithful heart they have ever an heavenly spiritual working in them. | T’ad breeoil ayns chyndaa yn annym, trooid gialdyn Yee; as t’ad fondagh trooid cooney Yee; as, er nyn goaill ayns cree firrinagh, t’ad dy kinjagh gobbraghey lesh bree spyrrydoil as flaunyssagh. | |
| They are lively, quick, and mighty in operation, and sharper than any two-edged sword, and enter through, even unto the dividing asunder of the soul and the spirit, of the joints and the marrow. Coloss. i. Heb. iv. | “Ta Goo Yee bioal as breeoil, as ny s’geyrey na cliwe erbee dy ghaa foyr, roie trooid gys yn eer rhenn veih my-cheilley yn annym as y spyrryd, as ny juntyn as y smuirr.” (Heb. iv. 12) | |
| Christ calleth him a wise builder, that buildeth upon his word, upon his sure and substantial foundation. Matt. vii. | Ta Creest genmys eshyn ny ard-vasoonagh creeney, ta troggal er y Ghoo echeysyn, er e undin shickyr as fondagh (Mian vii. 24.) | |
| By this word of God we shall be judged: for the word that I speak, saith Christ, is it that shall judge in the last day. John xii. | Liorish yn Goo shoh dy Yee bee mayd er nyn mriwnys: son y Goo ta mish er loayrt (ta Creest gra,) nee shen y vriwnys ec y laa jerreynagh. (Ean xii. 48.) | |
| He that keepeth the word of Christ, is promised the love and favour of God, and that he shall be the dwelling-place or temple of the blessed Trinity. John xiv. | Dasyn ta freayll Goo Chreest ta gialdyn jeant jeh graih as foayr Yee, as dy bee eh ynnyd-vaghee as chiamble yn Trinnaid Bannit. (Ean xiv. 23–26.) | |
| This Word, whosoever is diligent to read, and in his heart to print that he readeth, the great affection to the transitory things of this world shall be minished in him, and the great desire of heavenly things, that be therein promised of God, shall increase in him. | Yn Goo shoh quoi-erbee ta tastagh dy lhaih, as dy hashtey seose ayns e chree shen ny t’eh lhaih, bee graih jeean da reddyn fardailagh y thelhll er ny choyrt naardey ayn, as nee yeearree jeean lurg reddyn flaunyssagh giallit ayns shen liorish Jee bishaghey ayn. | |
| And there is nothing that so much strengtheneth our faith and trust in God, that so much keepeth up innocency and pureness of the heart, and also of outward godly life and conversation, as continual reading and recording of God’s Word. | As cha vel nhee erbee ta wheesh niartaghey nyn gredjue as nyn dreishteil ayns Jee, ta wheesh cummal seose ônid as glennid cree, as myrgeddin ymmyrkey-bea crauee, as lhaih Goo Yee as smooinaghtyn er dy dowin: | |
| For that thing which by continual use of reading of Holy Scripture, and diligent searching of the same, is deeply printed and graven in the heart, at length turneth almost into nature. | son ta shen, ta liorish dy kinjagh lhaih ny Scriptyryn Casherick as ronsaghey ad dy tastagh, er ny ghrainney dy dowin ayns y cree, ec y jerrey cheet dy ve myr dooghys. | |
| And, moreover, the effect and virtue of God’s word, is to illuminate the ignorant, and to give more light unto them that faithfully and diligently read it; to comfort their hearts, and to encourage them to perform that which of God is commanded. | As, ny sodjey, ta bree Goo Yee er ny akin ayns soilshaghey ny mee-hushtee, as ayns choyrt soilshey smoo dauesyn ta dy firrinagh as dy tastagh lhaih eh, dy gherjaghey nyn greeaghyn, as dy ghreinaghey ad dy chooilleeney shen ta Jee er harey: | |
| It teacheth patience in all adversity, in prosperity humbleness; what honour is due unto God; what mercy and charity to our neighbour. | te gynsaghey meenid fo dy chooilley heaghyn, as injillid-aigney ayns maynrys seihltagh; cre’n ooashley ta cair da Jee, cre’n myghin as graih da nyn naboo: | |
| It giveth good counsel in all doubtful things. It sheweth of whom we shall look for aid and help in all perils; and that God is the only giver of victory in all battles and temptations of our enemies, bodily and ghostly. 1 Sam. xiv. 2 Chron. xx. 1 Cor.xv. 1 John v. | te coyrt coyrl vie ayns dy chooilley chooish: te soilshaghey c’raad ta shin dy yeeaghyn son cooney as kymmyrk ayns dy chooilley gaue; as dy vel Jee yn ynrican fer ta coyrt y varriaght ayns dy chooilley hoiagh orrin jeh nyn noidyn seihltagh as spyrrydoil. (1 Sam xiv. 6–16; 2 Recor. xx. 22–24; 1 Cor. xv. 56, 57; 1 Ean v. 4.) | |
| Who most profit in reading God’s word. | Quoi ad ta geddyn yn vondeish smoo ayns lhaih Goo Yee. | |
| And in reading of God’s word, he not always most profiteth, that is most ready in turning of the book, or in saying of it without the book; but he that is most turned into it; that is most inspired with the Holy Ghost; most in his heart and life altered and changed into that thing which he readeth; he that is daily less and less proud, less wrathful, less covetous, and less desirous of worldly and vain pleasures; he that daily, forsaking his old vicious life, increaseth in virtue more and more. | Ayns lhaih Goo Yee, cha vel eshyn dy kinjagh geddyn yn vondeish smoo, s’mennic ta chyndaa duillagyn y lioar, ny loayrt jeh veih cooinaghtyn, agh eshyn smoo ta gennaghtyn y phooar vreeoil echey er e chree, smoo fo leeileilys y Spyrryd Noo, as smoo er ny caghlaa cheu-sthie as cheu-mooie gys shen ny t’eh lhaih; eshyn ta gagh-laa ny s’imlee, ny s’meen, ny s’giastyllee, as ny ’seyre veih graih jeh eunyssyn seihltagh as fardailagh; eshyn ta gagh-laa coyrt cooyl rish e henn cliaghtaghyn peccoil, as goll er e hoshiaght ny smoo as ny smoo ayns craueeaght bea. | |
| What incommodities the ignorance of God’s word bringeth. | ||
| And to be short, there is nothing that more maintaineth godliness of the mind, and driveth away ungodliness, than doth the continual reading or hearing of God’s word, if it be joined with a godly mind, and a good affection to know and follow God’s will. | As, ayns fockle, cha vel nhee erbee ta ny smoo cummal seose craueeaght ayns yn aigney, as geiyrt ersooyl mee-chraueeaght, na lhaih as clashtyn Goo Yee, my ta aigney crauee as yeearree jeean dy hoiggal as dy yannoo aigney Yee goll marish. | |
| For without a single eye, pure intent and good mind, nothing is allowed for good before God. And on the other side, nothing more darkeneth Christ and the glory of God, nor bringeth in more blindness and all kinds of vices, than doth the ignorance of God’s Word. Isa. v. Matt. xxii. 1 Cor. xiv. | Son fegooish sooill gyn foill,[4] carail casherick, as aigney glen, cha vel veg coontit mie ayns shilley Yee. As, er y cheu elley, cha vel nhee erbee ta oyr smoo jeh mee-hushtey jeh Creest as jeh gloyr Yee, ny coyrt lesh dellid smoo as dy chooilley cheint dy vee-chraueeaght, na mee-hushtey jeh Goo Yee. (Is. v. 13: Mian xxii.29; 1 Cor. xiv.) | |
|
[4] foill] text fooill
| ||
| THE SECOND PART OF THE SERMON OF THE KNOWLEDGE OF HOLY SCRIPTURE. | Yn nah ayrn jeh’n Sharmane mychione tushtey jeh ny Scriptyryn Casherick. | |
| 1 | ||
| PART. 2 | ||
| In the first part of this sermon, which exhorteth to the knowledge of Holy Scripture, was declared wherefore the knowledge of the same is necessary and profitable to all men; and that by the true knowledge and understanding of Scripture, the most necessary points of our duty towards God and our neighbours are also known. | Ayns y chied ayrn jeh’n Sharmane shoh, ta coyrlaghey dy gheddyn tushtey jeh ny Scriptyryn Casherick, ve inshit cre hon va’n tushtey shen ymmyrchagh as vondelishagh da dy chooilley ghooinney, as liorish toiggal fondagh jeh ny Scriptyryn ta tushtey s’ymmyrchee jeh nyn gurrym gys Jee as nyn naboonyn myrgeddin er ny chosney. | |
| Now as concerning the same matter you shall hear what followeth. | Nish mychione y chooish cheddin nee shiu clashtyn ny sodjey. | |
| God’s word excelleth all sciences. | Ta Goo Yee erskyn dy chooilley ynsagh elley. | |
| If we profess Christ, why be we not ashamed to be ignorant in his doctrine, seeing that every man is ashamed to be ignorant in that learning which he professeth? | My ta shin goaill-rish Creest, cre hon nagh vel shin goaill nearey dy ve mee-hushtagh jeh e ynsagh, fakin dy vel dy chooilley ghooinney neayragh dy ve gyn tushtey ’syn ynsagh shen t’eh goaill rish? | |
| That man is ashamed to be called a Philosopher which readeth not the books of philosophy; and to be called a Lawyer, an Astronomer, or a Physician, that is ignorant in the books of law, astronomy, and physic. | Ta’n dooinney shen goaill neayrey dy ve enmyssit fer-ynsagh, nagh vel lhaih lioaryn dy ynsagh; as dy ve enmyssit ny leighder, astronomer, ny fer-lhee ta mee-hushtagh jeh ny lioaryn dy leigh, astronomy, as medshin. | |
| How can any man, then, say that he professeth Christ and his religion, if he will not apply himself, as far forth as he can or may conveniently, to read and hear, and so to know, the books of Christ’s Gospel and doctrine? | Kys eisht oddys dooinney gra dy vel eh goaill-rish Creest as e ynsagh, mannagh jean eh streeu (choud as ta caa echey) dy lhaih as dy chlashtyn, as myr shen dy gheddyn tushtey jeh lioaryn Sushtal Chreest as e ynsagh? | |
| Although other sciences be good, and to be learned, yet no man can deny but this is the chief, and passeth all other incomparably. What excuse shall we therefore make at the last day, before Christ, that delight to read or hear men’s fantasies and inventions, more than his most holy Gospel? | Ga dy vel ynsagh elley mie, ny-yeih cha vod dooinney erbee gobbal nagh nee shoh yn ard-ynsagh, as foddey s’costal na ynsagh erbee elley. Cre’n leshtal eisht oddys mayd coyrt stiagh ec y laa jerrinagh fenish Chreest, my ta shin goaill taitnys smoo dy lhaih as dy chlashtyn skeeallyn fardailagh deiney, na e hushtal smoo casherick; | |
| and will find no time to do that, which chiefly, above all things, we should do; and will rather read other things than that, for the which we ought rather to leave reading of all other things? | as mannagh jean mayd traa y gheddyn dy yannoo shen lhisagh shin erskyn dy chooilley nhee y yannoo; as my ta shin ny s’aggindee dy lhaih reddyn elley na shen er y hon lhisagh shin ve aarloo dy chur seose dy chooilley ynsagh elley? | |
| Let us therefore apply ourselves, as far forth as we can have time and leisure, to know God’s word, by diligent hearing and reading thereof, as many as profess God and have faith in him. | Lhig dooin eisht tastey y choyrt, choud’s ta traa as caa ain dy hoiggal Goo Yee, liorish dy charailagh clashtyn as lhaih eh, whilleen j’in as ta goaill-rish Jee, as ta credjue as treishteil ain aynsyn. | |
| Vain excuses dissuading from the knowledge of God’s word. | Leshtallyn fardailagh ta lhiettal veih tushtey Goo Yee. | |
| But they that have no good affection to God’s word, to colour this their fault, allege commonly two vain and feigned excuses. | Agh t’adsyn nagh vel veg y ghraih oc er Goo Yee, dy choodaghey yn foill oc, dy mennic coyrt stiagh daa leshtal fardailagh. | |
| The first. | Yn chied leshtal. | |
| Some go about to excuse them by their own frailness and fearfulness, saying, that they dare not read Holy Scripture, lest through their ignorance they should fall into any error. | Ta paart goaill ayns laue dy yannoo leshtal er nyn son liorish coyrt stiagh nyn annooinid as aggle, gra nagh bhloys daue lhaih ny Scriptyryn Casherick, er-aggle, trooid nyn almoraght, yinnagh ad tuittym ayns marranys ennagh. | |
| The second. | Yn nah leshtal. | |
| Others pretend that the difficulty to understand it, and the hardness thereof, is so great, that it is meet to be read only of Clerks and learned men. | Ta feallagh elley lhiggey orroo dy vel yn dooilleeys dy hoiggal ny Scriptyryn wheesh shen dy vel ad cooie dy ve’r nyn lhaih ynrican liorish saggyrtyn, as deiney ard-ynsit. | |
| How most commodiously, and without all peril the Holy Scripture is to be read | Cre’n aght oddys ny Scriptyryn Casherick v’er ny lhaih lesh ny smoo dy vondeish as ny sloo dy gaue. | |
| As touching the first: ignorance of God’s word is the cause of all error; as Christ himself affirmed to the Sadducees, saying that they erred, because they knew not the Scripture. Matt. xxii. | Mychione y chied leshtal: Ta mee-hushtey jeh Goo Yee oyr jeh dy chooilley shaghrynys, myr dooyrt Creest hene rish ny Sadduceeyn, gra dy row ad fo marranys er-yn-oyr nagh row ad toiggal ny Scriptyryn. (Mian xxii. 29.) | |
| How should they then eschew error, that will be still ignorant? | Cre’n aght eisht oddys adsyn shaghrynys y haghney ta tannaghtyn ayns mee-hushtey jeh nyn yione? | |
| And how should they come out of ignorance, that will not read nor hear that thing which should give them knowledge? | As kys oddys adsyn choyrt cooyll rish mee-hushtey nagh jean lhaih ny clashtyn shen lhisagh tushtey y choyrt daue? | |
| He that now hath most knowledge, was at the first ignorant, yet he forbare not to read, for fear he should fall into error; but he diligently read lest he should remain in ignorance, and, through ignorance, in error. | Eshyn ta nish yn tushtey smoo echey, v’eh ec y toshiaght mee-hushtagh: ny-yeih cha dob eh dy lhaih, er-aggle dy jinnagh eh tuittym ayns marranys; agh ren eh lhaih dy tastagh, er-aggle dy jinnagh eh tannaghtyn ayns mee-hushtey, as trooid mee-hushtey dy beagh eh fo marranys. | |
| And if you will not know the truth of God –a thing most necessary for you– lest you fall into error, by the same reason you may then lie still, and never go, lest, if you go, you fall into the mire; nor eat any good meat, lest you take a surfeit; nor sow your corn, nor labour in your occupation, nor use your merchandise, for fear you lose your seed, your labour, your stock; and so, by that reason, it should be best for you to live idly, and never to take in hand to do any manner of good thing, lest peradventure some evil thing may chance thereof. | As mannagh jean shiu shirrey lurg yn irriney ta Jee er hoilshaghey, (yn chooish s’ymmyrchee diu dy hoiggal,) er-aggle dy jean shiu tuittym fo marranys; son-yn-oyr cheddin foddee shiu cummal dy feagh, as gyn dy bragh gleashagh, er-aggle, liorish shooyl, dy duittagh shiu ayns y laagh; ny gee beaghey erbee follan, er-aggle dy bee eh skeeagh diu; ny cuirr rass, ny gobbraghey ayns y cheird eu, ny geiyrt er marchantys, er-aggle dy galliagh shiu nyn rass, nyn obbyr, as nyn gooid; as myr shen, son-yn-oyr cheddin, veagh eh ny share diu ve lhiastey, as gyn dy bragh goaill ayns laue dy yannoo nhee erbee mie, er-aggle, liorish taghyrt, dy jig red ennagh olk gy’ kione. | |
| And if you be afraid to fall into error by reading of Holy Scripture I shall shew you how you may read[5] without danger of error. Read it humbly, with a meek and a lowly heart, to the intent you may glorify God, and not yourself, with the knowledge of it: and read it not without daily praying to God, that he would direct your reading to good effect; and take upon you to expound it no further than you can plainly understand it: for as St. Augustine saith, the knowledge of Holy Scripture is a great, large and a high place,[6] but the door is very low, so that the high and arrogant man cannot run in, but he must stoop low and humble himself, that shall enter into it. | As my ta shiu ayns aggle jeh tuittym fo marranys liorish lhaih ny Scriptyryn Casherick, soilshee-ym diu cre’n aght oddys shiu lhaih fegooish gaue erbee jeh shaghrynys: lhaih-jee dy imlee, lesh cree meen as injil, dy vod shiu Jee y ghloyraghey, as cha nee shiu hene, liorish yn tushtey eu; as ny lhaih-jee eh fegooish padjer gagh-laa gys Jee dy jinnagh eh bannaghey yn lhaih eu; as ny gow-jee erriu dy choyrt bun er ny sodjey na ta shiu dy slane toiggal eh: son, myr ta Augustin gra, ta tushtey jeh ny Scriptyryn Casherick ynnyd mooar, lhean, as ard: agh ta’n dorrys feer injil, myr shen nagh vod yn dooinney moyrnagh as ard-chreeagh goll stiagh: agh shegin dasyn ta aggindagh goll stiagh, crommey as ginjillaghey eh-hene. | |
|
[5] read 1810] 1817 read it
[6] Most editions have place here (= Manx ynnyd) not palace, as Thomson read.
| ||
| Presumption and arrogancy is the mother of all error; and humility needeth to fear no error. For humility will only search to know the truth: it will search, and will bring together one place with another; and where it cannot find out the meaning, it will pray, it will ask of others that know, and will not presumptuously and rashly define any thing which it knoweth not. | Voish daanys as moyrn ta dy chooilley shaghrynys cheet; as cha lhiass da injillid-aigney ve ayns aggle dy huittim fo marranys; son nee injillid-aigney shirrey ynrican dy gheddyn magh yn irriney; nee eh shirrey, as soyllaghey un ayrn rish ayrn elley; as raad nagh vod eh gheddyn magh yn bun as bree, nee eh padjer y ghoaill: nee eh briaght jeusyn ta toiggal, as cha jean eh dy daaney as dy siyragh fockley magh nhee erbee nagh vel eh toiggal: | |
| Therefore the humble man may search any truth boldly in the Scripture, without any danger of error. And if he be ignorant, he ought the more to read and to search Holy Scripture, to bring him out of ignorance. | shen-y-fa foddee yn dooinney imlee ronsaghey magh firrinys erbee ayns ny Scriptyryn Casherick fegooish gaue erbee jeh marranys; as my t’eh mee-hushtagh, lhisagh eh tastey smoo y choyrt da ny Scriptyryn Casherick dy ghoaill ersooyl e vee-hushtey. | |
| I say not nay, but a man may profit with only hearing; but he may much more profit with both hearing and reading. | Cha vel mee gra, nagh vod dooinney vondeish y gheddyn liorish clashtyn ny-lomarcan; agh foddee eh vondeish foddey smoo y gheddyn liorish chammah clashtyn as lhaih. | |
| This have I said as touching the fear to read, through ignorance of the person. | Shoh ta mee er loayrt mychione yn aggle trooid y vee-hushtey echeysyn ta lhaih. | |
| Scripture in some places is easy, and in some places hard to be understood. | Ta’n Scriptyr ayns ayrnyn aashagh dy v’er nyn doiggal,[7] as doilley ayns ayrnyn elley. | |
|
[7] er nyn doiggal] plural, as if the sentence had started with ny Scriptyryn (as it does in the main text).
| ||
| God leaveth no man untaught, that hath good will to know his word. | Cha vel Jee fagail dooinney erbee fegooish ynsagh ta aggindagh dy ve ynsit ayns e Ghoo. | |
| How the knowledge of the Scripture may be attained unto. | Cre’n aght oddys mayd cosney tushtey ny Scriptyryn Casherick. | |
| A good rule for the under-standing of Scripture. | ||
| No man is excepted from the knowledge of God’s word. | Cha vel chied ec dooinney erbee dy hannaghtyn ayns meehushtey jeh Goo YEE. | |
| And concerning the hardness of Scripture; he that is so weak that he is not able to brook strong meat, yet he may suck the sweet and tender milk, and defer the rest until he wax stronger, and come to more knowledge. | As mychione doilleeys ny Scriptyryn, eshyn ta cha annoon nagh vel niart echey dy ymmyrkey bee lajer, ny-yeih foddee eh jiole yn bainney millish as meiygh, as chur shiaghey yn chooid elley derrey t’eh gaase ny ’stroshey, as roshtyn gys tushtey smoo: | |
| For God receiveth the learned and unlearned, and casteth away none, but is indifferent unto all. | son ta Jee goaill yn vooinjer ynsit as neu-ynsit, as cha vel eh tilgey ersooyl fer erbee, son cha vel eh soiaghey jeh persoonyn. | |
| And the Scripture is full, as well of low valleys, plain ways, and easy for every man to use and to walk in, as also of high hills and mountains, which few men can climb unto. | As ta’n Scriptyr lane chammah jeh coanyn imlee, raadyn jeeragh as aashagh da dy chooilley ghooinney dy hooyll ayn, as myrgeddin jeh croink as sleityn ard, nagh nhimmey oddys roshtyn huc. | |
| And whosoever giveth his mind to Holy Scriptures with diligent study and burning desire, it cannot be, saith St. John Chrysostom, that he should be left without help. | As quoi-erbee ta coyrt e aigney gys ny Scriptyryn Casherick lesh tastey geyre as yeearree jeean, cha vod eh ve, ta Juan Chrysostom gra, dy bee eh faagilt dyn cooney. | |
| For either God Almighty will send him some godly doctor to teach him – as he did to instruct the Eunuch, a nobleman of Ethiopia, and treasurer unto Queen Candace; who having affection[8] to read the Scripture, although he understood it not, yet for the desire that he had unto God’s Word, God sent his Apostle Philip to declare unto him the true sense of the Scripture that he read – | Son eddyr ver Jee ooilley-niartal fer-ynsagh crauee dy ynsaghey eh, myr hug eh fer dy ynsaghey yn eunuch, dooinney ooasle jeh Ethiopia, fo’n currym echey va ooilley tashtaghyn ben-reïn Candace, as fer va aggindagh dy lhaih ny Scriptyryn, ga nagh row eh dy slane toiggal ad, ny-yeih son y ghralh v’echey er Goo Yee, hug Jee e Ostyl Philip dy osley da bree firrinagh yn Scriptyr v’eh lhaih: | |
|
[8] affection 1810] 1817 a great affection
| ||
| or else, if we lack a learned man to instruct and teach us, yet God himself from above will give light unto our minds, and teach us those things which are necessary for us, and wherein we be ignorant. | ny, my ta shin fegooish dooinney ynsit dy chur toiggal dooin, nee Jee hene velh’n yrjid soilshey y choyrt da nyn aignaghyn, as gynsaghey dooin ny reddyn shen ta ymmyrchagh er nyn son, as jeu ta shin mee-hushtagh. | |
| And in another place Chrysostom saith, that man’s human and worldly wisdom, or science, is not needful to the understanding of Scripture; but the revelation of the Holy Ghost, who inspireth the true meaning unto them that with humility and diligence do search therefore. | As ayns boayl elley ta Chrysostom gra, nagh vel tushtey seihltagh gheiney ymmyrchagh dy chur toiggal dooin Jeh ny Scriptyryn, agh bree yn Spyrryd Casherick, ta choyrt toiggal firrinagh dauesyn ta shirrey toiggal lesh injillid-aigney as tastey geyre. | |
| He that asketh shall have, and he that seeketh shall find, and he that knocketh shall have the door opened. | “Eshyn ta geearree, yiow eh; as eshyn ta shirrey, nee eh feddyn; as dasyn ta cronkal, bee’n dorrys er ny osley.” (Mian vii. 8.) | |
| If we read once, twice, or thrice, and understand not, let us not cease so; but still continue reading, praying, asking of others: and so, by still knocking, at the last, the door shall be opened, as St. Augustine saith. Matt. vii. | My ta shin lhaih un cheayrt, daa cheayrt, ny tree cheayrtyn, as gyn toiggal, ny lhig dooin scuirr, agh foast tannaghtyn lhaih, goaill padjer, as briaght jeh feallagh elley; as myr shoh, liorish dy kinjagh cronkal, bee yn dorrys foshlit ec y jerrey; myr ta Augustin gra. | |
| Although many things in the Scripture be spoken in obscure mysteries, yet there is nothing spoken under dark mysteries in one place, but the self-same thing in other places is spoken more familiarly and plainly, to the capacity both of learned and unlearned. | Ga dy vel ymmodee reddyn ayns ny Scriptyryn loayrit ayns aght follit; ny-yeih cha vel nhee erbee loayrit dy follit ayns un ynnyd, nagh vel yn chooid cheddin focklit magh ny s’baghtal as ny s’cronnal ayns ynnydyn elley, myr shen dy vod eh v’er ny hoiggal liorish y vooinjer ynsit as neu-ynsit. | |
| No man is excepted from the knowledge of God’s word.[9] | Cha vel chied ec dooinney erbee dy hannaghtyn ayns meehushtey jeh Goo YEE. | |
|
[9] word 1810] 1817 will
| ||
| And those things, in the Scripture, that be plain to understand, and necessary for salvation, every man’s duty is to learn them, to print them in memory, and effectually to exercise them; and, as for the dark mysteries, to be contented to be ignorant in them, until such time as it shall please God to open those things unto him. | As ny reddyn shen ayns ny Scriptyryn ta aashagh dy v’er ny hoiggal, as ymmyrchagh son saualtys, te currym dy chooilley ghooinney dy ynsaghey ad, dy hashtey ad seose ayns e chooinnaghtyn, as dy breeoil dy chooilleeney ad: as son ny folliaghtyn dorraghey, dy ve booiagh dy ve gyn tushtey jeu, derrey ta Jee fakin eh cooie dy osley ny reddyn shen da. | |
| In the mean season, if he lack either aptness or opportunity, God will not impute it to his folly: but yet it behoveth not, that such as be apt should set aside reading, because some others be unapt to read: nevertheless, for the hardness of such places, the reading of the whole ought not to be set apart. | Son y traa t’ayn, my t’eh laccal niart ny caa, cha der Jee shoh gys e lhieh: agh foast cha vel eh cooie dy jinnagh adsyn ta fondagh scuirr dy lhaih, er-yn-oyr dy vel feallagh elley fegooish yn tushtey shen; ny-yeih cha lhisagh yn slane Scriptyr ve er ny choyrt dy lhiattee er coontey dorraghys lheid ny ayrnyn jeh. | |
| And briefly to conclude: as St. Augustin saith, By the Scripture all men be amended; weak men be strengthened, and strong men be comforted. | As ayns fockle, liorish ny Scriptyryn, myr ta Augustin gra, foddee dy chooilley ghooinney ve jeant ny shiare: ny annoonee v’er nyn niartaghey, as y vooinjer lajer v’er nyn gerjaghey. | |
| What persons would have ignorance to continue. | Quoi adsyn bailliu dy jinnagh meehushtey tannaghtyn. | |
| So that surely none be enemies to the reading of God’s word, but such as either be so ignorant, that they know not how wholesome a thing it is; or else be so sick, that they hate the most comfortable medicine, that should heal them; or so ungodly, that they would wish the people still to continue in blindness and ignorance of God. | Myr shen cha vel feallagh erbee noi lhaih Goo Yee, agh adsyn ta cha mee-hushtagh nagh vel ad toiggal cre cha follan as t’eh; er-nonney ta cha ching dy vel ad coyrt feoh da’n medshin share; ny cha mee-chrauee dy vel eh yn yeearree oc, dy vod yn pobble tannaghtyn ayns dorraghys as mee-hushtey jeh Jee. | |
| The Holy Scripture is one of God’s chief benefits. | Ta ny Scriptyryn Casherick unnane jeh Giootyn s’ooasle Yee. | |
| The right reading, use, and fruitful studying in Holy Scripture. | ||
| Psalm i. | ||
| Thus we have briefly touched some part of the commodities of God’s holy Word, which is one of God’s chief and principal benefits, given and declared to mankind here on earth. | Myr shoh ta shin er ghoaill tastey jeh paart jeh vondeishyn Goo Casherick Yee, ta unnane jeh ny ard toyrtyssyn dy Yee er ny coyrt da sheelnaue ayns shoh wass er y thalloo. | |
| Let us thank God heartily for this his great and special gift, beneficial favour, and fatherly providence. | Lhig dooin cur booise creeoil da Jee son shoh e yhooit[10] mooar as ooasle, foayr graysoil, as ard-charail ayroil. | |
|
[10] yhooit] i.e. ghioot
| ||
| Let us be glad to receive this precious gift of our heavenly Father. | Lhig dooin dy arryltagh goaill yn gooit costal shoh jeh nyn Ayr flaunyssagh. | |
| Let us hear, read, and know these holy rules, injunctions and statutes of our Christian religion, and upon that we have made profession to God at our baptism. | Lhig dooin clashtyn, lhaih, as toiggal ny oardaghyn, saraghyn, as raueyn casherick shoh jeh nyn gredjue Creestee, as ny gialdynyn ta shin er n’yannoo gys Jee ec nyn mashtey. | |
| Let us with fear and reverence lay up, in the chest of our hearts, these necessary and fruitful lessons; let us night and day muse, and have meditation and contemplation in them; let us ruminate and, as it were, chew the cud, that we may have the sweet juice, spiritual effect, marrow, honey, kernel, taste, comfort, and consolation of them. | Lhig dooin lesh arrym as aggle crauee, stoyral seose ayns tashtaghyn nyn gree, ny lessoonyn ymmyrchagh as vondeishagh shoh: lhig dooin oie as laa smooinaghtyn orroo dy dowin ayns nyn gree; lhig dooin myr dy beagh eh caigney-cheeilley orroo, dy vod mayd gheddyn yn soo millish, yn bree spyrrydoil, smuir, mill, blass, as gerjagh jeu. | |
| Let us stay, quiet, and certify our consciences with the most infallible certainty, truth, and perpetual assurance of them. | Lhig dooin shickyraghey nyn gooinsheansyn as coyrt ad gys fea lesh y firrinys smoo, as y shickyrys dy bragh-farraghyn jeu. | |
| Let us pray to God, the only Author of these heavenly studies, that we may speak, think, believe, live, and depart hence, according to the wholesome doctrine and verities of them. | Lhig dooin guee gys Jee, yn ynrican Fer-toyrt jeh ny Scriptyryn flaunyssagh shoh, dy vod mayd smooinaghtyn, loayrt, credjal, baghey, as paartail, cordail rish yn ynsagh follan oc. | |
| And, by that means, in this world we shall have God’s defence, favour, and grace, with the unspeakable solace of peace, and quietness of conscience; and after this miserable life, we shall enjoy the endless bliss and glory of heaven: | As liorish jannoo myr shoh, bee ain ’sy theihll shoh coadey, as foayr, as grayse Yee, lesh gerjagh sheeoil erskyn-insh, as kiunid ayns nyn goomsheansyn; as, lurg y vea hreih shoh, yiow mayd soylley jeh maynrys as gloyr dy bragh farraghtyn Niau: | |
| which he grant us all that died for us all, Jesus Christ: to whom, with the Father and the Holy Ghost, be all honour and glory, both now and everlastingly. Amen. | shen dy ghiall eshyn dooin, whooar baase er nyn son ooilley, Yeesey Creest: huggeysyn, marish yn Ayr as y Spyrryd Noo, dy row dy chooilley ooashley as gloyr, nish as dy bragh. Amen. | |