|
Vainshter M. Kelly, mraane seyrey as gheiney seyrey, ta mee goaill boggey mooar dy hebbal da nyn ver-ynsee nyn mooise share ass lieh yn vrastyl Gaelckagh shoh.
|
Mr Kelly, ladies and gentlemen, I am very pleased to offer to our instructor, on behalf of this Manx Class, our best thanks.
|
|
Ta shiuish vainshter, er ve ayns yn chamyr shoh shiaghtin lurg hiaghtin gynsaghey as soilshaghey dooin chengey ny mayrey yn Ellan ain, ga dy vel oo chennit lesh ymmodee cooishyn elley; as shoh t’ou er n’yannoo fegooish faill ny cooilleen erbee.
|
Week after week, sir, you have heen in this room teaching and enlightening us in our mother tongue, although you are pressed with other duties; and this you have done without fee or reward of any kind.
|
|
Ny sodjey s’mie lhien ooilley clashtyn dy vel oo er ve er ny hroggal gys yn chaayr-vriwnys; as er yn oyr shoh ta shin cur moylley as soylley dhyt, as geearee er dty hons bea liauyr as speeideilys vie ayns yn oik onneroil shoh.
|
Also we are all pleased to hear that you have been promoted to a judicial post, and wish to congratulate you, and wish you long life and much success in this honourable office.
|
|
Vainshter Cain, ta mee lane kianlt booise dhyt, son ny goan kenjal t’ou er loayrt ass lieh yn vrastyl shoh.
|
Mr Cain, I am much obliged to you for the kind things you have said on behalf of the class.
|
|
Choud’s ta’n obbyr goll, son yn ayrn aympene, cha vel mee coontey myr obbyr, gynsaghey chengey-ny-mayrey ain da my gheiney-cheerey: as er son yn traa, erlhiam dy vel eh mie ceaut my voddym er aght ennagh cooney lesh ynseydagh erbee dy ghooill lane yn eaghtyr harrish cleighyn as jeeigyn, dressyn as drineyn ta ny lhie ayns y cassan jeh dy chooilley ynseydagh jeh’n ghlaare Gailckagh.
|
As for the work, for my part I do not look upon the teaching of our mother tongue to my countrymen as work, and as for the time, I think it well spent if in anywise I can help some student to surmount the hedges and ditches, the briars and the brambles which beset the path of every learner of the Gaelic tongue.
|
|
Gur-e-mie mooar, myrgeddin son moylley as soylley ta shiu ooilley er hebbal dou son dy vel mee er ve er ny phointeil my Ard-Vaylee.
|
I thank you all for your congratulations on my being made High-Bailiff.
|
|
Cha jean shen my lhiettal, er aght erbee veih tannaghtyn ayns obbyr yn vrastyl shoh, as my vees shiuish booiagh, nee mayd meeiteil reesht ayns yn ouyr.
|
That will in no wise prevent me from continuing the work of this class, and if it is your wish we shall continue our meetings in the autumn.
|